जळगाव येथे रेमंड परिसरात जमावबंदी 

लेवाजगत न्यूज जळगाव -शहरातील एमआयडीसी परिसरात असलेल्या रेमंड‎ कंपनीत कामगार संघटनांचे कामबंद आंदाेलन‎ सुरू आहे. या आंदोलनाच्या पार्श्वभूमीवर‎ उपविभागीय दंडाधिकारी महेश सुधळकर‎ यांनी २८ फेब्रुवारी ते ३ मार्च रात्री १२ वाजेपर्यंत‎ जमाबंदी कलम लागू केले आहे. कंपनीसह‎ २०० मीटर सर्व बाजूने कोणतीही अनधिकृत‎ व्यक्ती किंवा व्यक्तींच्या समूहास प्रवेश‎ करण्यास प्रतिबंध आहे.

    आदेशाचे उल्लंघन‎ केल्याने कामगार नेते ललित काेल्हेंविरुद्ध‎ गुन्हा दाखल झाला आहे.‎ २४ फेब्रुवारी रोजी रेमंड कंपनीच्या‎ कामगारांच्या अनधिकृत संघटन खान्देश‎ कामगार उत्कर्ष संघटनेद्वारे कंपनीच्या‎ परिसरात बेकायदेशीर पद्धतीने संप पुकारून‎ अंदाजे २२५ ते २५० कामगार एकत्र जमवत‎ आहे. कंपनीचे काम बंद पाडत गोंधळ व‎ अशांततेचे वातावरण निर्माण झाल्याबाबत‎ कंपनीने जळगाव येथील जिल्हाधिकाऱ्यांना‎ २५ फेब्रुवारी रोजी निवेदनाद्वारे कळवले आहे.‎ यापूर्वी देखील रेमंड कंपनीच्या परिसरात‎ याचप्रकारे संप पुकारुन कंपनीचे काम बंद‎ केल्याच्या घटना कामगारांद्वारे झाल्या‎ असल्याचे समाेर आले.