तेरा फोटो देखके मेरा दिल आया है,आय लव्ह यु..म्हणत महिला बँक अधिकाऱ्याचा केला विनय भंग
~2.jpeg "Thirteen-Photos-Dehke-Mera-Dil- Aya-Hai,-I-Love-You-So-A-Female-Bank-Official-was-molested")
तेरा फोटो देखके मेरा दिल आया है,आय लव्ह यु..म्हणत महिला बँक अधिकाऱ्याचा केला विनय भंग
वृत्तसंस्था अमरावती-अमरावतीमधील एका राष्ट्रीयकृत बँकेत सहायक व्यवस्थापक तथा स्थापत्य अभियंता पदावर कार्यरत महिला अधिकाऱ्याला कंत्राटदार कंपनीच्या प्रतिनिधीने आक्षेपार्ह सात व्हॉइस मेसेज पाठवले. या प्रकारामुळे महिलेला प्रचंड मानसिक त्रास झाला असून, या प्रकरणाची महिला अधिकाऱ्याने गुरुवारी (दि. 13) शहरातील कोतवाली पोलिसांत तक्रार दिली.
तक्रारीवरून पोलिसांनी संबंधित कंत्राटदार कंपनीच्या प्रतिनिधींविरुद्ध विनयभंगाचा गुन्हा दाखल केला आहे. राजेश मिश्रा (रा. ठाणे) असे गुन्हा दाखल झालेल्याचे नाव आहे. तक्रारदार महिला अधिकारी शहरात एका राष्ट्रीयकृत बँकेत नोकरीवर आहे. या बँकेच्या नूतनीकरणाची जबाबदारी तक्रारदार महिला अधिकाऱ्याकडे आहे. दरम्यान, बुलडाणा जिल्ह्यातील एका शाखेच्या इमारत नूतनीकरणाचा कंत्राट ठाणे येथील मनोरमा इंटरप्रायझेस या कंपनीला दिला आहे.
या बँकेच्या नूतनीकरणाची जबाबदारीसुद्धा तक्रार महिला अधिकाऱ्याकडे आहे. राजेश शर्मा हा ठाण्याच्या याच कंपनीचा प्रतिनिधी म्हणून काम पाहतो. दरम्यान, ७ एप्रिल २०२३ रोजी त्याने महिला अधिकाऱ्याला एक व्हॉइस मेसेज पाठवला, त्यामध्ये त्याने म्हटले की, ‘तेरा फोेटो देखके मेरा दिल आया है, आय लव्ह यू, एक दिन मेेरे साथ खाना खाने के लिए चल’ यासह अजूनही आक्षेपार्ह त्याने नमूद केले आहे.
दरम्यान, हा मेसेज त्याने काही वेळानंतर डिलिट केला मात्र महिला अधिकाऱ्याने तो संग्रहित करुन ठेवला आहे. तसेच त्याच दिवशी राजेश शर्माने महिला अधिकाऱ्याच्या एका परिचित आर्किटेक्टला सुद्धा महिला अधिकाऱ्याच्या बाबतीत घाणेरडा मेसेज पाठवला.
त्या आर्किटेक्टला पाठवलेल्या मेसेजमध्ये त्याने म्हटले की, माझी एकदा त्या महिला अधिकाऱ्यांसोबत एकांतात मिटींग लावून द्या, पैसे नाही मिळाले तरीही चालेल व अजूनही आक्षेपार्ह उल्लेख मेसेजमध्ये केला आहे. दरम्यान, त्याने असे एकूण सात मेसेज पाठवले असून, त्यामधून त्याने संबंधित महिला अधिकाऱ्याचा छळ केला आहे. त्यामुळे महिला अधिकाऱ्याने ही बाब आपल्या वरिष्ठांना सांगून पोलिसांत तक्रार दिली आहे.
कोणत्याही टिप्पण्‍या नाहीत