राष्ट्रीय महामार्ग बुऱ्हानपूर - अंकलेश्वर रस्ता चौपदरीकरण आधीच्या मूळ मार्गानेच होणार -खासदार श्रीमती रक्षाताई खडसे

लेवाजगत न्युज सावदा:-

दि.०५ जानेवारी रोजी जिल्हाधिकारी कार्यालय येथे भारतीय राष्ट्रीय महामार्ग प्राधिकरण, विभागीय अधिकारी, नागपूर यांच्या उपस्थितीत बैठकीचे आयोजन...

बुऱ्हानपूर-अंकलेश्वर राष्ट्रीय महामार्ग एनएच७५३बी तळोदा जंक्शन जवळ सुरु होणारा तळोदा - शिरपूर - चोपडा - यावल - फैजपूर - सावदा - रावेर या मध्यप्रदेश महाराष्ट्र राज्याच्या सीमेलगत असलेल्या २४० किमी महामार्गाच्या चौपदरीकरण हे आधीच्या मूळ मार्गानेच रावेर व सावदा शहरातून होणार असून दि.०५ जानेवारी रोजी जिल्हाधिकारी कार्यालय येथे भारतीय राष्ट्रीय महामार्ग प्राधिकरण, विभागीय अधिकारी, नागपूर यांच्या उपस्थितीत बैठकीचे आयोजन करण्यात आल्याची खासदार श्रीमती रक्षाताई खडसे यांनी रावेर येथे पत्रकार परिषदेत माहिती दिली. 

बुऱ्हानपूर-अंकलेश्वर महामार्गाच्या दर्जावाढ व चौपदरीकरणसाठी खासदार श्रीमती रक्षाताई खडसे यांचा मागील काही वर्षापासून केंद्र व राज्य स्तरावरील संबंधित मंत्री यांच्याकडे निरंतर पाठपुरावा सुरु होता, त्यानुसार मागील वर्षी सदर राज्यमार्गाचे राष्ट्रीय महामार्गात रुपांतर करण्यात आलेले असून, सध्या देखभाल दुरुस्तीसाठी रु.६१.०० कोटी निधी वितरीत करण्यात आलेला असून, चौपदरीकरणसाठी डीपीआर तयार झालेला असून, सदर मार्ग मुक्ताईनगर तालुक्यातून जाणार असून, रावेर व सावदा शहरास चौपदरीकरण मध्ये वगळण्यात असल्याची अफवा पसरविण्यात आली असल्यामुळे नागरिकांमध्ये नाराजी आहे. परंतु सदर मार्ग मुक्ताईनगर तालुक्यातून न घेता स्थानिकांच्या मागणीनुसार आधीच्या मूळ मार्गानेच रावेर व सावदा शहरातून घेण्यात यावा यासाठी खासदार श्रीमती रक्षाताई खडसे यांनी केंद्रीय रस्ते वाहतूक व महामार्ग मंत्री श्री.नितीन गडकरी यांची दिल्ली येथे भेट घेऊन मागणी केली असता, त्यांच्या आदेशानुसार दि.०५ जानेवारी रोजी जिल्हाधिकारी कार्यालय येथे भारतीय राष्ट्रीय महामार्ग प्राधिकरण, विभागीय अधिकारी, नागपूर यांच्या उपस्थितीत बैठकीचे आयोजन करण्यात आले असून, नागरिकांनी कोणत्याही अफवांवर विश्वासू ठेऊ नये असे आवाहन यावेळी खासदार श्रीमती रक्षाताई खडसे यांनी रावेर येथील पत्रकार परिषदेत केले.