सावदा बस स्थानक येथे ग्रामीण फेऱ्या व पास केंद्र बंदमुळे नागरिकांसह विद्यार्थ्यांचे हाल
सावदा बस स्थानक येथे ग्रामीण फेऱ्या व पास केंद्र बंदमुळे नागरिकांसह विद्यार्थ्यांचे हाल
लेवा जगत न्यूज सावदा- येथील सावदा बस स्थानकावरून रावेर परिसरात जाणाऱ्या महाराष्ट्र राज्य परिवहन महामंडळाच्या ग्रामीण बस प्राथमिक व माध्यमिक शाळांना सुट्ट्या लागताच बस फेऱ्या बंद केल्याने महिलांसह नागरिकांचे हाल होत आहे व विनाकारण पैशांचा जास्त भुर्दंड सहन करावा लागत आहे, तसेच या परिसरात धनाजी नाना महाविद्यालय जे टी महाजन इंजीनियरिंग कॉलेज,डिप्लोमा कॉलेज व भुसावळ जळगांव येथील शैक्षणिक संस्था असून या परिसरातून रावेर पेक्षा जास्त सावदा बस स्थानकावर पासधारक असून सुद्धा आगार प्रमुखांनी येथील पास केंद्र बंद केल्यामुळे प्रवाशांचे व विद्यार्थ्यांचे हाल होत आहे. त्यांना रावेर येथे पास काढण्यासाठी जाण्याचा अतिरिक्त भुर्दंड सोसावा लागत आहे.तरी रावेर आगार प्रमुखांनी ज्या बंद असलेल्या ग्रामीण बस फेऱ्या आहे त्या त्वरित सुरू कराव्या व सावदा येथे पास केंद्र ही त्वरित सुरू करावे अन्यथा विद्यार्थ्यांसह नागरिक आंदोलन करतील.
कोणत्याही टिप्पण्या नाहीत