युवासेनेचा स्तुत्य उपक्रम! सावदा कन्याशाळेत होतकरू विद्यार्थिनींना वह्या-पेन वाटप

लेवाजगत न्यूज, सावदा (ता. रावेर):-आज युवासेना सावदा शाखेच्या वतीने श्री नानासाहेब विष्णु हरी पाटील कन्या विद्यालय, सावदा येथे एक सामाजिक आणि शिक्षणपूरक उपक्रम राबविण्यात आला. या उपक्रमांतर्गत गरीब व होतकरू विद्यार्थिनींना शालेय वह्या आणि पेनचे वाटप करण्यात आले.

कार्यक्रमावेळी मुख्याध्यापक  शोभा बेंडाळे , इतर शिक्षकवर्ग व विद्यार्थिनी उपस्थित होत्या. तसेच युवासेनेचे शहरप्रमुख मनीष भंगाळे, उपशहरप्रमुख गणेश माळी, राकेश बोराखडे, अभिजित मिटकर, चेतन माळी यांच्यासह अन्य युवा कार्यकर्तेही उपस्थित होते.

 दिलेल्या छायाचित्रात विद्यार्थिनींच्या चेहऱ्यावर समाधान आणि आनंद स्पष्टपणे दिसून येत आहे. या उपक्रमातून विद्यार्थिनींना शिक्षणासाठी प्रेरणा मिळेल, असा विश्वास व्यक्त करण्यात आला.

"शिक्षण हा मुलींचा हक्क आहे आणि तो पूर्ण व्हावा, यासाठी आमचा पुढाकार सुरूच राहील," असे मत युवासेनेच्या पदाधिकाऱ्यांनी व्यक्त केले.