नाशिकमध्ये राज्यस्तरीय कलावंत पुरस्कार सोहळा उत्साहात संपन्न

 

नाशिकमध्ये राज्यस्तरीय कलावंत पुरस्कार सोहळा उत्साहात संपन्न

नाशिक (गुरुदत्त वाकदेकर): कलावंत विचार मंच, कमल फिल्म प्रोडक्शन आणि कमल म्युझिक मराठी यांच्या संयुक्त विद्यमाने आयोजित राज्यस्तरीय कलावंत पुरस्कार वितरण सोहळा अध्यक्ष सुनील मोंढे यांच्या स्वागताध्यक्षतेखाली उत्साहपूर्ण वातावरणात पार पडला.

पं. सा. नाट्यमंदिर, नाशिक येथे रविवार दिनांक १८ एप्रिल २०२६ रोजी झालेल्या या सोहळ्यास ज्येष्ठ साहित्यिक सुभाषजी सोनवणे, अभिनेत्री दिपाली कुलकर्णी, प्रा. सोमनाथ मुठाळ आणि कवयित्री सुनीता वाळुंज यांची प्रमुख उपस्थिती लाभली. विविध कला क्षेत्रांत उल्लेखनीय कार्य करणाऱ्या कलाकारांचा यावेळी गौरव करण्यात आला.

पुरस्कारप्राप्त मान्यवरांमध्ये आंतरराष्ट्रीय बाल कवयित्री अजया मुळीक (महाराष्ट्र विद्यालय, पुणे), अभिनेत्री राणी जाधव (पुणे), सुमती टापसे (नाशिक), अजिंक्य सोनवणे (अहिल्यानगर), प्रा. छाया बोरकर (गोंदिया), अरुण शेलार (नाशिक), वाल्मिक मेश्राम (भंडारा), तन्वी भदाणे (धुळे), शिवाजी लोमंटे (नांदेड), अहमद शेख (हिंगोली), देवश्री बावनथडे (नागपूर), डॉ. सुकीर्ती शर्मा (मुंबई) यांचा समावेश होता. तसेच ज्ञानेश्वर थोटे (नेवासा), शोभा धामस्कर (गोवा), ज्ञानदेव शिंदे (संगमनेर), राजेश्वरी सावळे (नाशिक), प्रमोद पंडीत (लोणी), दत्तू दाणी (नाशिक), संजय पाटील (धुळे), अंकुश मांडेकर (पुणे), अंजली गादे (लातूर), धनश्री वाघ (अहिल्यानगर), महेश लोखंडे (श्रीरामपूर), सुभांगी मेहेत्रे (नाशिक), दिपक गरुड (बीड), नंदकुमार पाटील (जळगाव), अमित काकडे (मुंबई) आदी कलावंतांनाही सन्मानित करण्यात आले.

प्रमुख अतिथी व्याख्याते सुभाषजी सोनवणे यांनी आपल्या मनोगतात कलावंत विचार मंच संस्था मागील दहा वर्षांपासून तळागाळातील कलावंतांसाठी सातत्याने कार्यरत असल्याचे नमूद केले. विविध क्षेत्रांतील गुणवंत कलाकारांची निवड करून त्यांचा गौरव करण्याची परंपरा संस्थेने जपली असल्याचे त्यांनी सांगितले. राज्यभरातून प्रस्ताव मागवून त्यातून दर्जेदार कलावंतांची निवड करण्यात येते, असेही त्यांनी स्पष्ट केले.

कार्यक्रमाचे सूत्रसंचालन सतीश पाटील लिंबे वडगावकर यांनी केले, तर प्रा. सोमनाथ मुठाळ यांनी आभार मानले. या यशस्वी आयोजनासाठी सुप्रिया गवळे, आनंद साळवे, रज्जाक शेख आदींनी विशेष परिश्रम घेतले. विविध कला क्षेत्रांतील प्रतिभावंतांचा गौरव करणारा हा सोहळा प्रेरणादायी आणि उत्साहवर्धक ठरला.