नॉन कोविड रुग्णांच्या सोयीसाठी वॉर रूम स्थापना

नॉन कोविड रुग्णांच्या सोयीसाठी वॉर रूम स्थापना

जळगाव (प्रतिनिधी )

नॉन कोविड रुग्णांना येणा-या अडचणी सोडवण्यासाठी जिल्हा परिषद जळगांव येथे वॉर रूम स्थापन संपर्क क्रमांक ०२५७-२२२४२६८ कोविड-१९  विषाणु महामारीच्या प्रादुर्भावामुळे सद्यस्थितीत जळगांव जिल्हयातील शासकीय वैद्यकीय महाविद्यालय व जिल्हा सामान्य रुग्णालयाचे कोविड रुग्णालयात रुपांतर करण्यात आलेले आहे तसेच काही खाजगी दवाखाने देखील कोविड-१९रुग्णाकरीता अधिग्रहीत करण्यात आलेले आहेत.अशा परिस्थितीत कोविड-१९ आजाराशिवाय अन्य व्याधी/आजाराच्या (नॉन कोविड) रुग्णांच्या उपचार व सोयी करीता जिल्हा प्रशासनाने जिल्हयातील ३३ रुग्णालयामध्ये महात्मा ज्योतिबा फुले जन आरोग्य योजनेव्दारे सुविधा उपलब्ध करुन दिलेली आहे व सदर रुग्णालयाच्या नावाची यादी देखील उपलब्ध करुन दिलेली आहे.तथापि काही प्रसंगी अन्य आजाराच्या रुग्णांना याबाबत पुरेशी माहिती मिळत नसल्याने आरोग्य सुविधा उपलब्ध असलेल्या नेमक्या रुग्णालयात न जाता रुग्णांची इतरत्र म्हणजेच या रुग्णालयातुन दुस-या रुग्णालयात भटकंती होत असते.निश्चित कोणत्या आजार/व्याधी साठी कोणत्या रुग्णालयात सुविधा उपलब्ध आहेत, तेथील बेड्स (Beds) उपलब्धतता व इतर तत्सम उपकरणांची उपलब्धतता, इ.माहितीच्या अभावामुळे रुग्णांचे हाल होतात.यावर उपायोजना म्हणुन व रुग्णांना घरातुन निघतांनाच कोणत्या आजारासाठी कोणत्या रुग्णलयात जावे व तेथे खाटाची उपलब्धतता समजण्यासाठी जिल्हा परिषद प्रशासनाने Beds Availability & Management Systems हि ऑनलाईल प्रणाली यापुर्वीच सुरु करण्यात आलेली आहे तथापि ग्रामीण भागात संगणक/मोबाईल इंटरनेट इ ची सुविधा पुरेशा प्रमाणात उपलब्ध नसते.

नॉन कोविड रुग्णांची होणार धावपळ थांबविण्यासाठी व त्यांना वेळेत उपचार उपलब्ध व्हावे याकरीता मा.जिल्हाधिकारी जळगांव व मुख्य कार्यकारी अधिकारी, जि.प.जळगांव यांचे मार्गदर्शनाखाली जिल्हा परिषद, जळगांव मध्ये वॉर रुम स्थापन करण्यात आलेला असुन सदर वॉर रुम आठवडयातील ७ दिवस पुर्ण २४ तास कार्यन्वित राहणार असुन या कक्षाचा संपर्क क्रमांक ०२५७-२२२४२६८ हा असुन वॉर रुम नोडल ऑफिसर म्हणुन श्री.आर.बी.जंगले, जिल्हा विशेष लेखापरिक्षक, वर्ग-१ सहकारी संस्था, जळगांव यांची नेमणुक करण्यात आलेली आहे.

या वॉर रुमच्या संपर्क क्रमांक ०२५७-२२२४२६८ वर संपर्क केल्यानंतर नॉन कोविड रुग्णांना महात्मा ज्योतिबा फुले जन आरोग्य योजनेत समाविष्ठ रुग्णालयाची नांवे, तेथील उपलब्ध उपचाराची व्यवस्था, खाटांची उपलब्धता इ.बाबीची संपुर्ण माहिती उपलब्ध होणार आहे