खा.नवनीत राणा यांचे जात वैधता प्रमाणपत्र अवैध दुसऱ्या क्रमांकाची मते घेणारे शिवसेनेचे उमेदवार आनंदराव अडसूळांना मिळू शकते संधी

प्रतिनिधी मुंबई:- अमरावतीच्या युवा स्वाभिमानी पक्षाच्या खासदार नवनीत राणा - कौर यांचे अनुसूचित जातीचे जात वैधता प्रमाणपत्र अवैध असल्याचा निकाल मुंबई उच्च न्यायालयाने मंगळवारी सुनावला . तसेच त्यांना दोन लाख रुपयांचा दंडही ठोठावला . शिवसेना नेते आनंदराव अडसूळ यांनी नवनीत यांच्या वैधता प्रमाणपत्राविरोधात २०१ ९ मध्ये मुंबई हायकोर्टात रिट याचिका दाखल केली होती . अडसूळ यांनी सांगितले की , आता कोर्टाचे निकालपत्र आणि आवश्यक ती सर्व कागदपत्रे केंद्रीय निवडणूक आयोगाला लवकरच सुपूर्द करणार आहोत . आयोग त्यावर कायदा सुनावणी घेऊन निर्णय देईल . राणा यांना त्यांच्याकडील कागदपत्रे जमा करण्यास कोर्टाने ६ आठवड्यांची मुदत दिली आहे . पण , आजच्या आदेशाला स्थगिती दिलेली नाही .

उमेदवार आनंदराव आनंदराव अडसूळ यांचे आरोप नवनीत राणा यांनी २०१४ मध्येही बोईसर महापालिका शाळेतून वडिलांचे खोटे जात प्रमाणपत्र प्राप्त केले होते . त्यावर पडताळणी करून निवडणूक लढवली . मात्र तेही २०१५ मध्ये कोर्टाने अवैध ठरवले . • नवनीत राणा यांनी २०१७ मध्ये आजोबांचे जात प्रमाणपत्र खोटे बनवले . त्याद्वारे वैधता केली . आमच्या संशोधनानुसार त्यांची जात प्रमाणपत्रे व वैधता प्रमाणपत्रे खोटी होती . मात्र जात पडताळणी समित्या त्यांना मॅनेज झाल्या होत्या .कायदा काय सांगतो : ... तर दुसऱ्या क्रमांकाची मते मिळवणाऱ्यास संधी राज्यघटनातज्ज्ञ उल्हास बापट यांच्या माहितीनुसार , भारतीय प्रतिनिधित्व कायदा १ ९ ५१ अन्वये जात वैधता प्रमाणपत्र खोटे ठरल्यास हायकोर्ट अशा खासदाराची खासदारकी रद्द करू शकते . किंवा त्याच्या संसद सदस्यत्वास स्थगिती देऊ शकते . किंवा दुसऱ्या क्रमांकाची मते मिळवणाऱ्या उमेदवारास विजयी म्हणून घोषितही करू शकते . तथापि , प्रमाणपत्र अवैध ठरलेल्या उमेदवारास सुप्रीम कोर्टात दाद मागण्याचा अधिकार असतो .असल्याचा अहवाल सुप्रीम कोर्टात जाणार : नवनीत . कोर्टाच्या निर्णयाचा आदर आहे . पण या निकालाविरुद्ध सुप्रीम कोर्टात दाद मागणार आहे . आधी सुप्रीम कोर्टाच्या अधीन जात पडताळणी समितीने माझे जात प्रमाणपत्र तीन वेळा पूर्ण छाननी करून वैध सादर केला होता . हायकोर्टाच्या मंगळवारच्या निर्णयाचा आदर व घटनादत्त अधिकाराचा पूर्ण वापर करून माझी सत्य भूमिका सुप्रीम कोर्टात जाऊन मांडणार आहे . तेथे सत्याचाच विजय होईल .