निवृत्त शिक्षकाची ९८ हजाराची रोकड ठगाने लांबविले

लेवाजगत न्यूज फैजपूर- गुरुजी मी तुम्हाला ओळखतो , तुम्ही माझ्यासोबत गाडीवर बसा मी तुम्हाला घरी सोडतो असे बोलून अज्ञात व्यक्तीने सेवानिवृत्त शिक्षकाजवळीला ९८ हजारांची रोकड घेऊन पसार झाल्याची धक्कादायक घटना फैजपूर शहरातील दक्षिण पेठ येथे घडली . 

      यासंदर्भात फैजपूर पोलीस ठाण्यात अज्ञात व्यक्ती विरुद्ध गुन्हा दाखल करण्यात आला आहे.

       फैजपूर पोलिसांनी दिलेल्या माहितीनुसार , लक्ष्मण गणपत नेमाडे ( वय -७६ ) रा .आराधना कॉलनी ,फैजपूर ,ता .यावल हे सेवानिवृत्त शिक्षक आहेत . २३ फेब्रुवारी रोजी १२.३० ते १ वाजेच्या दरम्यान ते गावातील पोस्ट ऑफिसमध्ये पेन्शन घेण्यासाठी एकटे गेले होते . ते पोस्टातून ९८ हजार रुपयांची रोकड काढून  घरी पायी जात असताना विना नंबरच्या मोटरसायकलवर अज्ञात व्यक्तिने तोंडावर रुमाल बांधला होता . तो म्हणाला की , “ गुरुजी मी तुम्हाला ओळखतो , माझ्या दुचाकीवर बसा , मी तुम्हाला घरी सोडून देतो ” असे सांगून त्यांच्या जवळील ९८ हजार रुपयांची रोकड घेऊन पसार झाल्याची घटना घडली आहे . या संदर्भात लक्ष्मण नेमाडे यांनी फैजपूर पोलीस ठाण्यात धाव घेऊन तक्रार दिली . त्यांच्या तक्रारीवरून सायंकाळी ६.३० वाजता अज्ञात व्यक्तीविरोधात गुन्हा दाखल करण्यात आला आहे . पुढील तपास पोलीस उपनिरीक्षक एम.जे.शेख करीत आहे .