सहा वर्षाच्या चिमुकलीवर धारदार शस्त्राने वार

 

सहा वर्षाच्या चिमुकलीवर धारदार शस्त्राने वार

लेवाजगत न्यूज चोपडा - सहा वर्षाच्या मुलीवर धारदार वस्तूने शेजारी राहणाऱ्या मुलीने वार करून जखमी केल्याची घटना चोपडा शिवारातील शिरपूर बायपास रोडवर घडली आहे . यात चिमुकली गंभीररित्या जखमी झाले असून जळगाव जिल्हा शासकीय वैद्यकीय महाविद्यालयात दाखल करण्यात आले आहे . याबाबत चोपडा शहर पोलीस ठाण्यात गुन्हा दाखल करण्यात आला आहे .सविस्तर माहिती अशी की , चोपडा शिवारातील शिरपूर बायपास जवळ जानुबाई भाईदास बारेला ( वय -३२ ) ह्यामहिला पती आणि चार मुलांसह वास्तव्याला आहे . मोलमजूरी करून कुटुंबाचा उदरनिर्वाह करतात . मंगळवारी ८ फेब्रुवारी रोजी जानुबाई बारेला ह्या कामानिमित्त शेतात गेल्या होत्या तर पती भाईदास काना बारेला हे मध्यप्रदेशात कामानिमित्त गेले होते . त्यावेळी चिमुकली रितू उर्फ रिता ही घरी एकटी होती . त्यांच्या घराच्या शेजारी किरण बारेला आणि त्याची बाहिण हे देखील राहतात . दरम्यान दुपारी २ वाजेच्या घरापासून काही अंतरावर असलेल्या हॉटेल सुनिता जवळ सुमारास किरण बहिण हिने सहा वर्षाच्या चिमुकलीवर धारदार वस्तूने तोंडावर , हातावर , पायाच्या मांडीवर आणि डोक्याच्या मागच्या भावावर वार केले . त्यामुळे मोठ्या प्रमाणावर रक्तस्त्राव झाला होता . दरम्यान मुलीला का मारले याची माहिती मिळू शकली नाही . मुलीच्या नातेवाईकांनी तातडीनेदरम्यान मुलाला का मारल याचा माहिती मिळू शकली नाही . मुलीच्या नातेवाईकांनी तातडीने चोपडा ग्रामीण रूग्णालयात उपचारार्थ दाखल केले . तर पुढील उपचारासाठी जळगाव जिल्हा शासकीय वैद्यकीय महाविद्यालयात रात्री ८ वाजता दाखल केले . याप्रकरणी चोपडा शहर पोलीस ठाण्यात गुन्हा दाखल करण्यात आला आहे . पुढील तपास सहाय्यक पोलीस निरीक्षक अजित साळवे करीत आहे .