रावेरात विवाहितेचा खून ; शहरात खळबळ

 

रावेरात विवाहितेचा खून ; शहरात खळबळ 

लेवाजगत न्यूज रावेर-शहरातील सप्तश्रृंगी नगरातील ४६ वर्षीय विवाहितेचा राहत्या घरात खून केल्याची धक्कादायक घटना दुपारी उघडकीला आली आहे . या घटनेमुळे रावेर शहरात खळबळ उडाली आहे .

      याबाबत अधिक माहिती अशी की , रावेर शहरातील सप्तश्रृंगी नगरात राहणारी सुनिता संजय महाजन ( वय -४६ ) या विवाहितेचा लाकडी दांडा डोक्यात मारल्याने खून केल्याची धक्कादायक घटना गुरुवार ३ मार्च रोजी दुपारी दीड वाजेच्या सुमारास समोर आली . मयत विवाहितेचा मुलगा हा दुपारी कामावरून जेवनासाठी घरी आला तेव्हा घराला कुलूप होते . कूलूप उघडून पाहिले असता आईचा खून झाल्याचे दिसून आले . घटनेची माहिती मिळाला शेजारच्या नागरीकांनी मोठी गर्दी केली . हा खून कोणी केला व का केला यासंदर्भात माहिती उपलब्ध झालेली नाही . खून झाल्याची माहिती रावेर पोलीसांना मिळाली . त्यानुसार पोलिस निरिक्षक कैलास नागरे पोलिस उपनिरिक्षक विशाल सोनवणे नवले , विजू जवरे आदी पोहचले आहेत .