विवाहितेचा बस मध्ये पाठलाग करणाऱ्यास यावल येथे चोप
.jpeg "Chasing-the-married-in-the-bus-comes-here-chop")
विवाहितेचा बस मध्ये पाठलाग करणाऱ्यास यावल येथे चोप
लेवाजगत न्यूज यावल -सावदा येथून एका विवाहितेचा एसटी बसमध्ये पाठलाग करत छेड काढणाऱ्याला यावल बसस्थानकात नागरिकांनी चांगलेच चोपले. यानंतर त्यास पोलिसांच्या ताब्यात दिले. हा ३२ वर्षीय संशयित चिनावल येथील असून त्याच्यावर प्रतिबंधात्मक कारवाई करण्यात आली. सावदा येथून एक विवाहिता एसटीने चोपडा तालुक्यात जात होती. शोएब शेख मुख्तार (वय ३२, रा.चिनावल ता.रावेर) या तरुणाने तिचा पाठलाग केला.
तिच्याशी जवळीक साधण्याचा प्रयत्न करत छेड काढली. विवाहिता हा सर्व प्रकार सहन करत होती. मात्र, यावल आगारात एसटी पोहोचताच तिने काही नागरिकांची मदत मागून झालेला प्रकार कथन केला. यानंतर जमावाने शेख शोएब याला चोप दिला. जमावाच्या तावडीतून सुटून तो पळून गेला.
मात्र, नागरिकांनी पाठलाग करून त्यास पकडले. नंतर यावल पोलिसांच्या स्वाधीन केले. महिलेने पोलिसांना आपबीती सांगितली. नंतर संबंधितावर प्रतिबंधात्मक कारवाई करण्यात आली. पुन्हा कुणाला त्रास दिल्यास कारवाईचा इशारा दिला. या प्रकाराची चर्चा होती.
कोणत्याही टिप्पण्या नाहीत