काँग्रेस नेते राहुल गांधी यांनी "स्वातंत्र्यवीर सावरकर” यांच्याबद्दल केलेल्या अपमानजनक वक्तव्याचा जाहीर निषेध; खासदार  रक्षाताई खडसे

स्वातंत्र्यवीर सावरकरजी का अपमान |  नहीं सहेगा हिंदुस्थान |

लेवाजगत न्युज:- कुशल हिंदू संघटक, थोर स्वातंत्र्यसेनानी “स्वातंत्र्यवीर विनायक दामोदर सावरकर” यांच्या बद्दल काँग्रेस नेते राहुल गांधी यांनी केलेल्या अपमानजनक वक्तव्याचा जाहीर निषेध करण्यासाठी भारतरत्न डॉ. बाबासाहेब आंबेडकर मैदान खामगाव (बुलडाणा) येथे भारतीय जनता पक्षाच्या वतीने “जाहीर निषेध सभेचे”आयोजन करण्यात आले होते. यावेळी सदर सभेस खासदार श्रीमती रक्षाताई खडसे यांनी उपस्थित राहून कॉग्रेस नेते खासदार श्री. राहुल गांधी यांच्या वक्तव्याचा जाहीर निषेध केला.

काँग्रेस नेते राहुल गांधी यांची भारत जोडो यात्रा सध्या महाराष्ट्रातुन जात असून महाराष्ट्रात त्यांना फारसा प्रतिसाद मिळत नसल्यामुळे जनतेचे लक्ष वेधून घेण्यासाठी “स्वातंत्र्यवीर विनायक दामोदर सावरकर” यांच्या बद्दल अपमान जनक वक्तव्य करून समस्त हिंदू जनासह महाराष्ट्राच्या जनमानसाचे मन दुखविण्याचे काम कॉंग्रेस करीत आहे, असे यावेळी खासदार श्रीमती रक्षाताई खडसे नमूद केले.

यावेळी सदर “जाहीर निषेध सभेस” खासदार श्रीमती रक्षाताई खडसे यांच्यासह माजी मंत्री आ.डॉ.रणजीत पाटील, डॉ.राजेंद्र फडके, माजी आ.श्री.चैनसुख संचेती, माजी मंत्री आ.डॉ.संजय कुटे, आ.श्री.प्रकाश पाटील भारसाकळे, आ.श्री.हरीश पिंपळे, आ.श्री.वसंतजी खंडेलवाल, बुलडाणा भाजपा जिल्हाध्यक्ष आ.श्री.आकाश फुंडकर, वाशिम भाजपा जिल्हाध्यक्ष श्री.राजू पाटील राजे, माजी आ.श्री.विजयराज शिंदे, माजी आ.श्री.शशिकांत खेडेकर, श्री.बलदेवराव चोपडे, माजी महापौर श्री.विजय अग्रवाल, प्रदेश प्रवक्ते श्री.शिवराय कुलकर्णी, श्री.दिपक बोरकर, श्री.माधवराव जाधव, मा.जि.प.सदस्य शांताराम दाने, श्री.विनोद वाघ, श्री.सचिन देशमुख ई. प्रमुख नेत्यासह भाजपा कार्यकर्ते मोठ्या संख्येने उपस्थित होते.