विज्ञान प्रदर्शनातून मिळाला विदयार्थ्यांना कल्पकतेला वाव
विज्ञान प्रदर्शनातून मिळाला विदयार्थ्यांना कल्पकतेला वाव
लेवाजगत न्यूज चिनावल-येथील नूतन माध्यमिक विद्यालयात शिक्षण विभाग पंचायत समिती रावेर यांच्या वतीने मंगळवारी आयोजित तालुकास्तरीय विज्ञान प्रदर्शनात सहा विविध गटांमधून एकूण १०२ उपकरणे सादर झाली. उद्घाटन संस्थेचे चेअरमन विनायक महाजन यांच्या हस्ते झाले तर अध्यक्षस्थानी संस्था सचिव गोपाळ पाटील होते. प्रास्ताविक रावेरचे गटशिक्षणाधिकारी शैलेश दखणे यांनी केले तर अध्यक्षीय भाषणात संस्थेचे सचिव गोपाळ पाटील यांनी विज्ञान प्रदर्शन म्हणजे विद्यार्थ्यांच्या सुप्त गुणांना दिशा देणारे व्यासपीठ असते. त्यामुळे विद्यार्थ्यांत कल्पनाशक्ती व वैज्ञानिक दृष्टिकोन विकसित होते, असे प्रतिपादन केले. या विज्ञान प्रदर्शनामध्ये उच्च प्राथमिक गटातून ४७, माध्यमिक व उच्च माध्यमिक विभागातून ५०, प्राथमिक शिक्षक गटातून ४, माध्यमिक शिक्षक गटातून २,आदिवासी गटातून २ तर प्रयोगशाळा सहाय्यक-परिचर गटातून १ अशी एकूण १०६ उपकरणे ठेवली हाेती.
नूतन माध्यमिक विद्यालयाच्या प्राथमिक गटाच्या मार्गदर्शक कविता नारखेडे तर माध्यमिक गटाच्या मार्गदर्शक नयना ठोंबरे या होत्या. दुपारी कार्यक्रमाचा समारोप झाला. अध्यक्षस्थानी राज्य मुख्याध्यापक महामंडळाचे अध्यक्ष जे.के. पाटील तर प्रमुख पाहुणे म्हणून जिल्हा विज्ञान मंडळाचे उपाध्यक्ष सुनील वानखेडे, रावेरचे सहाय्यक गट विकास अधिकारी राजेंद्र फेगडे उपस्थित होते. यावेळी केंद्रप्रमुख नरेंद्र चौधरी, संस्था संचालक खेमचंद्र पाटील, दामोदर भंगाळे,, मुख्याध्यापक एच.आर. ठाकरे, उपमुख्याध्यापिका मीनल नेमाडे, पर्यवेक्षक पी.एम. जावळे, शिक्षक प्रतिनिधी ए.व्ही. राणे, शिक्षकेतर प्रतिनिधी सिंचन नेहेते उपस्थित होते. विज्ञान प्रदर्शनाचे परीक्षण डॉ.पी.एस. कोळी, योगिता झांबरे,.
तालुकास्तरीय विज्ञान प्रदर्शनात माहिती घेताना विविध मान्यवर.
निकाल असा : उच्च प्राथमिक गट- प्रथम तोशल चव्हाण, द्वितीय साईराज पाटील, तृतीय पूर्वेश चौधरी, उत्तेजनार्थ मनुश्री गाढे. माध्यमिक व उच्च माध्यमिक गट- प्रथम निहारिका वर्मा, द्वितीय साईराज वारके, तृतीय नीरज सोनार, उत्तेजनार्थ हेरल महाजन. आदिवासी गट- प्रथम अरीन जमादार, प्राथमिक शिक्षक शैक्षणिक साहित्य गट- प्रथम प्रीती महाजन, उत्तेजनार्थ हर्षदा भारंबे, खिर्डी खुर्द. माध्यमिक शिक्षक शैक्षणिक साहित्य गट- प्रथम नीलेश पाटील, उत्तेजनार्थ आकाश पाटील. प्रयोगशाळा सहाय्यक-परिचर गट- प्रथम विवेक कुलकर्णी.
कोणत्याही टिप्पण्या नाहीत