कारने जाणाऱ्या चार दरोडेखोरांना अटक करणाऱ्या पोलिसांचे होतेय कौतुक
कारने जाणाऱ्या चार दरोडेखोरांना अटक करणाऱ्या पोलिसांचे होतेय कौतुक
लेवाजगत न्यूज अमळनेर -बनावट नंबरच्या कारमधून दरोड्याच्या उद्देशाने जाणाऱ्या चाैघांच्या मुसक्या पोलिसांनी आवळल्या आहेत. हे पाचही जण मालेगावचे रहिवासी असून त्यांच्याकडून कारसह सुऱ्या, चाकू, टॉमी जप्त केल्या आहेत. शहरातील अमळनेर ते चोपडा रोडवरील गजानन महाराज मंदिरासमोरील रोडवर ११ रोजी रात्री ३.३० वाजेच्या सुमारास ही कारवाई केली. सहाय्यक फौजदार बापू साळुंखे व चंद्रकांत पाटील रात्री गस्त घालत हाेते. या वेळी अमळनेर ते चोपडा रस्त्यावर इंडिगो (एमएच- १९, एव्ही- ५३६२) या चारचाकीला दुचाकीची बनावट नंबरप्लेट लावून चालकासह एकूण चार व्यक्ती जात हाेते. संशय आल्याने बापू साळुंखे यांनी कार थांबवून चालकाची चाैकशी केली असता त्याने साहील शेख सुलेमान (वय २२, रा. मालेगाव, विजयनगर, कुसुंबा रोड) असे नाव, गाव सांगितले. तर त्याच्यासोबत मालेगाव येथील खालीद शहा मेहमूद शहा (वय २१, रा. रमजानपुरा), इसरार खान जमशेर खान (वय २३, रा. निहालनगर) व फिरोज शेख मुसा (वय २४, रा. साहिल नगर) गाडीत होते.
त्यांना विचारल्यानंतर त्यांनी जळगाव जात असल्याचे सांगितले. परंतु, ते चोपडा रस्त्याने जात असल्याने पाेलिसांचा संशय बळावला. त्यामुळे बापू साळुंखे यांनी कारची पाहणी केली असता कारच्या पुढील बाजूस नंबर प्लेट नव्हती. परंतु, मागील बाजूस एमएच- १९ एव्ही- ५३६२ या क्रमांकाची नंबर प्लेट होती. मोबाइलवरील वाहन अॅप्सवर हा क्रमांक टाकून खात्री केली असता ताे नंबर दुचाकीचा असल्याचे स्पष्ट झाले. त्यानंतर कारच्या डिक्कीत एमएच- १५, बीएक्स- ०४७५ हा नंबर असलेल्या चार नंबरप्लेट, २ टाॅमी, चाकू मिळाला. या चाैघांना अटक केली आहे.
कोणत्याही टिप्पण्या नाहीत