विटनेर दर्ग्यावर पाकिस्तानी झेंडा फडकवल्या प्रकरणी कोर्टाचे गुन्हा दाखल करण्याचे आदेश
विटनेर दर्ग्यावर पाकिस्तानी झेंडा फडकवल्या प्रकरणी कोर्टाचे गुन्हा दाखल करण्याचे आदेश
वृत्तसंस्था जळगाव -तालुक्यातील विटनेर येथील दर्ग्यावर पाकिस्तानचा झेंडा फडकविल्याचा प्रकार ३१ जानेवारी समाेर आला हाेता. या प्रकरणी तक्रार देऊन गुन्हा दाखल न झाल्याने तक्रारदाराने न्यायालयात जावून दाद मागितली. या प्रकरणी न्यायाधीश जे. एस. केळकर यांनी राजद्राेहाचा गुन्हा दाखल करण्याचे आदेश १७ फेब्रुवारी राेजी पाेलिस प्रशासनाला दिले आहेत. विश्व हिंदू परिषद, बजरंग दलाचे जिल्हा कार्यकर्ता हेमंत गणेश गुरव (रा. लोहारा ता. पाचोरा) यांना जळगाव तालुक्यातील विटनेर गावा लगत असलेल्या दर्ग्यावर पाकिस्तानचा झेंडा लावल्याची माहिती मिळाली हाेती. त्यांनी खात्री करून त्याबाबत पाेलिस पाटील व एमआयडीसी पाेलिस ठाण्याला याची माहिती दिली हाेती. तसेच रितसर तक्रार दिली हाेती.
याप्रकरणी पोलिसांनी गुन्हा नोंद करण्यात नकार दिल्याने गुरव यांनी ३१ जानेवारी राेजी जिल्हा पोलिस अधीक्षक यांच्याकडे तक्रारी अर्ज दिल्यानंतरही कारवाई न झाल्याने या प्रकरणी अॅड केदार भुसारी यांच्या मार्फत न्यायालयात तक्रार दाखल केली हाेती. त्यावर न्यायाधीश जे. एस. केळकर यांच्या न्यायालयाने १७ फेब्रुवारीला देशद्रोहाचे १२४अ, १५३ अ, २९५अ, ५०५, ३४. नुसार गुन्हा नोंदवण्याचे आदेश दिले आहे.
बातमी शेअर करा.
संदर्भ- दिव्यमराठी
कोणत्याही टिप्पण्या नाहीत