गोवरचा प्रादुर्भावाचे शहरात आढळत आहे संशयित रुग्ण
गोवरचा प्रादुर्भावाचे शहरात आढळत आहे संशयित रुग्ण
लेवाजगत न्यूज जळगाव -शहरात गोवरचा प्रादुर्भाव वाढतच आहे. गेल्या आठवड्यात दोन रुग्णांचे अहवाल पॉझिटिव्ह आले तर पाच संशयित रुग्ण नव्याने आढळून आले आहेत. अहवाल येण्यास विलंब होत असून, अहवालापूर्वीच रुग्ण बरा होत असला तरी वाढती रुग्णसंख्या चिंताजनक आहे. जिल्हाधिकाऱ्यांच्या सूचनेनुसार शहरात विशेष लसीकरण मोहीम राबवण्यात आली. त्यात पहिली मोहीम डिसेंबर महिन्यात तर दुसरी मोहीम जानेवारी महिन्यात राबवण्यात आली. यात ज्या बालकांचा गोवरचा पहिला व दुसरा डोस बाकी आहे अशा बालकांचे लसीकरण करण्यात आले.
यासोबतच ज्या भागात गोवरचा उद्रेक आहे .अशा भागात बालकांना लसीचा तिसरा डोस देण्यात आला. मात्र तरीदेखील गोवर बाधितांच्या संख्येत वाढ होत आहे. गेल्या महिन्याभरात शहरात २५ रुग्णांचे अहवाल पॉझिटिव्ह आढळून आले आहेत. ताप व अंगावर पुरळ येणे ही गोवरची प्रमुख लक्षणे असल्याने पालकांनी याकडे गांभीर्याने लक्ष देणे गरजेचे आहे. मुलाला ही लक्षणे असल्यास शाळेत पाठवू नये, असे आवाहन डॉक्टरांनी केले आहे. मेहरूण, तांबापुरा, जुने जळगाव या भागात गोवरचा उद्रेक दिसून येत आहे. म्हणून धाेका वाढताे आहे.
कोणत्याही टिप्पण्या नाहीत