मुक्ताई व चांगदेव यात्रेला दोनशेच्यावर दिंड्या दाखल 

लेवाजगत न्यूज मुक्ताईनगर-माघ कृष्ण अष्टमीपासून सुरु‎ झालेल्या मुक्ताबाई व चांगदेव‎ महाराजांच्या यात्रोत्सवादरम्यान,‎ मुक्ताईनगर पंचक्रोशीतील दीडशे ते‎ दोनशे दिंड्या दाखल झाल्या आहेत.‎ विदर्भ, मराठवाडा, मध्य प्रदेश‎ आणि खान्देश या चारही परिसरातून‎ या दिंड्या दाखल होत अाहेत.‎ गुरुवारी सकाळी मुक्ताईनगरकडे‎ आणि सायंकाळपर्यंत नवीन मुक्ताई‎ मंदिर तसेच श्री क्षेत्र कोथळी येथील‎ जुन्या मुक्ताई मंदिरावर या दिंड्या‎ दाखल होणार आहेत. संक्तोक्ती‎ नुसार वारकरी संप्रदायात संतांच्या‎ वारीला दरवर्षी पायी चालत येण्याची‎ दिर्घ परंपरा लाभलेली आहे.‎ मुक्ताबाई मुक्ताबाई आदिशक्ती‎ मुक्ताबाई//" जयघोषात वारकरी‎ पावली टाकीत तल्लीन होऊन भजन‎ गात आहेत. शहरवासियांनी‎ वारकऱ्यांचे चहापाणी देत स्वागत‎ केले. दोनशेहून अधिक दिंड्यातून‎ लाखांवर भाविक मुक्ताईनगरात‎ दाखल झाले आहेत.‎