सैलानी यात्रेसाठी प्रशासन सज्ज
१२ मार्च ला संदल मिरवणूक 

लेवाजगत न्यूज बुलढाणा-सैलानी येथील यात्रेत‎ आरोग्याचा प्रश्न निर्माण होवू नये‎ म्हणून आरोग्य विभागाने‎ जिल्हाधिकाऱ्यांच्या सूचनेनुसार प्रत्येक‎ ठिकाणी असणाऱ्या पाण्याची तपासणी‎ करण्याची मोहीम हाती घेतली आहे.‎ तर बुलडाणा जिल्ह्यात चार कोरोना‎ रुग्ण आढळल्याच्या पार्श्वभूमीवर‎ कोरोना तपासणी केंद्र ही उभारले‎ आहेत. ६ मार्च पासून यात्रेला नारळी‎ होळी पेटवून सुरुवात होणार आहे.‎ त्यामुळे दक्षता म्हणून प्रशासनाने‎ आरोग्य रक्षणाचे पाऊल उचलले आहे.‎ या यात्रेत तमाशाला मात्र स्थान राहणार‎ नसल्याचे यापूर्वीच जिल्हाधिकाऱ्यांनी‎ सूचित केले होते.‎ मागील तीन वर्षांपासून कोरोनामुळे‎ यात्रेला खंड पडला होता. पिंपळगाव‎ सराई येथील भाविकांचे श्रद्धास्थान‎ हाजी अब्दुल रहेमान उर्फ सैलानी बाबा‎ यांचा दर्गा आहे. 

    या ठिकाणी सैलानी‎‎‎‎‎‎‎‎‎‎‎‎‎‎‎‎‎ बाबाचे दर्शन घेण्यासाठी भाविक येथे‎ येतात. होळीपासून मुख्य यात्रा‎ महोत्सवास प्रारंभ होवून संदल‎ चढल्यानंतर फातेह खानी झाल्यानंतर‎ यात्रा ओसरायला सुरुवात होत असते.‎ या होळीमध्ये नारळासह मनोरुग्ण व‎ नातेवाइकांनी अंगाखांद्यावरून‎‎‎‎‎‎‎‎‎‎‎‎‎‎‎‎‎ ओवाळलेले नारळ, कपडे, गोटे यासह‎ विविध वस्तू याठिकाणी टाकतात. मात्र‎ या होळीत काय टाकावे याबाबतही‎ जिल्हाधिकारी यांनी निर्देश दिले‎ आहेत.्र‎ रविवार, दि.१२ मार्च रोजी संदल‎ निघणार असून रात्री दर्ग्यावर चादर‎‎‎‎‎‎‎‎‎‎‎‎‎‎‎‎‎ चढवली जाणार आहे. दरम्यान,‎ यात्रेसाठी जिल्हा प्रशासनाकडून‎ खबरदारीची उपाय योजना म्हणून रस्ते‎ मोठे ठेवण्यात आले आहे. तसेच‎ अॅम्बुलन्स व अग्निशामक दलाच्या‎ तीन गाड्या तैनात करण्यात आल्या‎ आहे.‎

      बसस्थानकांची निर्मिती‎ 

यात्रेसाठी बुलडाणा,‎ जालना,औरंगाबाद, नांदेड,अकोला‎ यासह इतर जिल्ह्यातील एसटी‎ आगाराच्या वतीने स्पेशल बसेस‎ सोडण्यात येत आहे. भाविकांना‎ उतरण्यासाठी सैलानी यात्रा परिसरात‎ विविध विभागाच्या वतीने स्वतंत्र‎ बसस्थानकांची निर्मिती केल्यामुळे‎ भाविकांची गैरसोय टळणार आहे.‎

      यात्रेवर राहणार‎ ड्रोनची नजर‎

आज होळीपासून यात्रेला सुरुवात होणार आहे. पाचव्या दिवशी संदल निघणार आहे. या दिवशी‎ लाखोंच्या संख्येने भाविक सैलानीत दाखल होणार आहे. यात्रेदरम्यान कोणताही प्रकारची‎ अनुचित घटना घडू नये यासाठी ड्रोन कॅमेरे यात्रेवर नजर ठेवणार आहे.‎

     अवैध व्यवसायावर नजर‎ 

यात्रेत भाविकांची गर्दी मोठ्या प्रमाणात‎ होत असल्याने त्याचा फायदा घेत.‎ यात्रेत मोठ्या प्रमाणात अवैध व्यवसाय‎ जसे की, चक्री, ऑनलाईन लॉटरी, रिंग‎ गेम याप्रकारचे व्यवसायाच्या‎ माध्यमातून सामान्य जनतेची लुट होत‎ असते. तर पाकीटमारी, पैसे लुटण्याचे‎ प्रकार सर्रास होत असल्याने पोलिसांना‎ करडी नजर ठेवावी लागणार आहे.‎

     सुरक्षेसाठी ८० ठिकाणी‎ बंदोबस्त पॉइंट‎ 

जिल्हा पोलिस प्रशासनाने यात्रेदरम्यान‎ ८० ठिकाणी पोलिस बंदोबस्त ठेवला‎ आहे. याद्वारे अनुचित प्रकारावर नजर‎ ठेवली जाणार आहे. काही अनुचित‎ प्रकार घडल्यास आपल्या जवळच्या‎ बंदोबस्त ठिकाणी संपर्क करावा.‎ - राजवंत आठवले, ठाणेदार रायपूर‎ पोलिस स्टेशन.‎