पोलीस पाटील व कोतवालांची भरती प्रक्रिया मे महिन्यात होणार सुरु
.jpeg "Police-Patil-and-Kotwal-recruitment-procedure-will-be-started-in-the-month-of-May")
पोलीस पाटील व कोतवालांची भरती प्रक्रिया मे महिन्यात होणार सुरु
लेवाजगत न्यूज जळगाव -जिल्ह्यात सेवानिवृत्ती, मृत्यू व इतर कारणांनी पोलिस पाटील यांची ३१२ तर कोतवालांची ९९ पदे रिक्त आहेत. त्यामुळे प्रशासकीय कामकाजावर विपरित परिणाम होत असल्याने विभागीय आयुक्त कार्यालयाकडून १० जूनपर्यंत बिंदुनामावली तपासून घेतल्यानंतर रिक्तपदांची भरती प्रक्रिया राबवण्यात येणार आहे.
कोतवाल भरतीच्या सेवाप्रवेश नियमांमध्ये सुधारणा करण्याबाबत कोतवाल सेवा प्रवेश नियमात काही सुधारणा व नवीन सेवा प्रवेश नियमास शासनाने मान्यता दिलेली आहे. त्याअनुषंगाने कोतवाल भरती प्रक्रिया राबवण्यासाठी उपविभागीय अधिकारी यांच्या अध्यक्षतेखाली समिती नेमण्यात आलेली आहे. या समितीत एकात्मिक आदिवासी विकास प्रकल्पाचे प्रकल्प अधिकारी, सामाजिक न्याय विभागाचे सहायक आयुक्त सदस्य आहेत. तहसीलदार सदस्य सचिव आहेत. जिल्ह्यात कोतवालांची ४९५ पदे मंजूर आहेत. त्यापैकी ३९६ पदे भरलेली असून ९९ पदे रिक्त आहेत. कोतवालांची पदे भरताना सुधारित नियमानुसार पदे भरण्याची कार्यवाही करण्यात येणार आहे. ही पदे भरताना सर्व ठिकाणी समानता येईल याबाबत नियुक्ती प्राधिकाऱ्याने दक्षता घ्यावी. नियमांचे कोटेकोर पालन करण्याबाबतच्या सूचना देण्यात आलेल्या आहेत.
जळगाव ६, जामनेर ७, एरंडोल ४, धरणगाव ६, पारोळा ६, भुसावळ २, बोदवड ४, मुक्ताईनगर ७, रावेर ८, यावल ६, पाचोरा ८, भडगाव ८, चाळीसगाव ८, अमळनेर ७ व चोपडा १२.
२५ मेपर्यंत विभागीय आयुक्त कार्यालयातील मागासवर्ग कक्षाकडून १० मे पर्यंत बिंदुनामावली तपासून घेण्यात येणार आहे. गावनिहाय आरक्षण २५ मे पर्यंत ठरवण्यात येणार आहे. कोतवाल व पोलिस पाटील पदाचा जाहीरनामा ३१ मे पर्यंत प्रसिद्ध करण्यात येणार आहे. या पदांसाठी उमेदवारांना अर्ज भरण्याची मुदत १ ते २० जूनपर्यंत राहणार आहे, अशी माहिती प्रशासनाने दिली आहे.
कोणत्याही टिप्पण्या नाहीत