अजीवली येथे श्री संत ज्ञानेश्वर माऊली सेवा मंडळ तर्फे अखंड हरीनाम उत्सव, भव्य श्री ग्रंथराज ज्ञानेश्वरी पारायण सोहळ्याचे आयोजन

 

अजीवली येथे श्री संत ज्ञानेश्वर माऊली सेवा मंडळ तर्फे अखंड हरीनाम उत्सव,भव्य श्री ग्रंथराज ज्ञानेश्वरी पारायण सोहळ्याचे आयोजन            

 लेवाजगत न्यूज उरण (सुनिल ठाकूर):- सालाबादा प्रमाणे यावर्षी देखील 14 व्या वर्षी अजीवली येथील मैदानावर श्री संत माऊली सेवा मंडळ अजीवली पनवेल परिसर तर्फे शनिवार दिनांक 28 /12/2024 ते 4/12/2025 या कालावधीत भव्य दिव्य अशा अखंड हरिनाम उत्सव, भव्य श्री ग्रंथराज ज्ञानेश्वरी पारायण सोहळ्या चे आयोजन करण्यात आले आहे.या दिवसात पहाटे 4 ते 6  काकड आरती, सकाळी 8 ते 12 ज्ञानेश्वरी पारायण.

  सायंकाळी 6 ते 7 हरिपाठ. रात्रौ 9 ते 11 हरिकीर्तन असे दैनंदिन कार्यक्रम पार पडणार आहेत.             यामध्ये शनिवार दिनांक 28/12/2024 सायंकाळी 4 ते 5 ह.भ.प.परशुराम म. पाटील ( बेलवली )यांचे प्रवचन तर रात्रौ 9 ते 11  ह. भ. प. विश्वनाथ महाराज वारिंगे (अंबरनाथ पालेगाव )यांचे हरिकीर्तन.रविवार दिनांक 29/12/2024 सायंकाळी 4 ते 5 हभप नंदकुमार महाराज गावंड (सांगडे )यांचे प्रवचन तर रात्रौ 9 ते 11 हभप महेश महाराज माकणी कर ( माकणी )यांचे हरिकीर्तन. सोमवार दिनांक 30/12/2024 सायंकाळी 4 ते 5 हभप भाऊ म. पाटील(पाली ) यांचे प्रवचन. रात्रौ 9 ते 11 हभप सुदाम महाराज पानेगावकर ( बीड )यांचे हरिकीर्तन. मंगळवार दिनांक 31/12/2024 सायंकाळी 4 ते 5 हभप निवृत्ती महाराज मुंढे (रिस )यांचे प्रवचन. रात्रौ 9 ते 11 हभप निवृत्ती महाराज देशमुख (इंदोरी )यांचे हरिकीर्तन.बुधवार दिनांक 1/1/2025 सायंकाळी 4 ते 5 हभप जनार्दन महाराज पाटील ( आष्टे )यांचे प्रवचन. रात्रौ 9 ते 11 हभप कृष्णा महाराज चवरे (पंढरपूर )यांचे हरिकीर्तन. गुरुवार दिनांक 2/1/2025 रोजी सायंकाळी 4 ते 5 हभप सुभाष महाराज पाटील (बेलवली ), यांचे प्रवचन. रात्रौ 9 ते 11 हभप पंकज महाराज गावडे (पुणे )यांचे हरिकीर्तन. शुक्रवार दिनांक 3/1/2025 सायंकाळी 4 वाजता दिंडी सोहळा सायंकाळी 6 वाजता दीपोत्सवकार्यक्रम पार पडणार आहे. तर रात्रौ 9 ते 11 हभप उद्धव महाराज चोले(बीड ) यांचे हरिकीर्तन.शनिवार दिनांक सकाळी 10 ते 12 हभप बाळासाहेब महाराज रंजाळे (नेवासे ), यांच्या काल्याच्या कीर्तनाने कार्यक्रमाची सांगता होणार आहे. तरी सर्वांनी या सोहळ्यास उपस्थित राहून दर्शनाचा व कार्यक्रमाचा आस्वाद घेण्याचे आवाहन श्री संत ज्ञानेश्वर माऊली मंडळ अजीवली तर्फे करण्यात आले आहे.