त्र्यंबकेश्वरच्या पवित्र भूमीत के.नारखेडे विद्यालयाच्या १९९४ बॅचच्या विद्यार्थ्यांची आठवणींची मेजवानी
त्र्यंबकेश्वरच्या पवित्र भूमीत के.नारखेडे विद्यालयाच्या १९९४ बॅचच्या विद्यार्थ्यांची आठवणींची मेजवानी
लेवाजगत न्यूज नाशिक-के. नारखेडे विद्यालयाच्या १९९४ च्या बॅचमधील विद्यार्थी १४ आणि १५ डिसेंबर रोजी त्र्यंबकेश्वर (कर्मभूमी), नाशिक येथे एकत्र आले आणि जुन्या आठवणींना नव्या उत्साहाने उजाळा दिला. वयाच्या ४०++ वर्षानंतरही या स्नेहसंमेलनात उपस्थित असलेल्या सर्व मित्र-मैत्रिणींनी "यंग अॅट हार्ट" म्हणजेच तरुण मनाने या दोन दिवसांचा आनंद लुटला.
"जीवनाची एक सोनेरी फेरी" असे संबोधता येईल अशा या कार्यक्रमात सर्वांनी आपापले जीवनातील अनुभव,कथा,आनंदाचे व दुःखाचे क्षण शेअर केले. जुन्या शाळकरी दिवसांची आठवण जागवत मुली आणि मुले यांनी एकत्र येऊन अनेक मनोरंजक सामाजिक कार्यक्रमाचा आनंद घेतला. मेलोडी गाण्यांवर रील्स तयार करून एकमेकांबरोबर निखळ आनंदाचे क्षण अनुभवले.
एकत्र नाश्ता,जेवण आणि रात्रीचे भोजन घेताना सर्वांच्या गप्पा, हास्यविनोद आणि चेष्टामस्करींनी वातावरण आणखी चांगले रंगले.जणू काही पुन्हा एकदा ते शालेय जीवनात परतले होते."काही क्षण असे असतात, जे आयुष्यभर लक्षात राहतात" असे या सोहळ्यातील सहभागींनी सांगितले.
या स्नेहसंमेलनाचा आध्यात्मिक भाग म्हणजे जय गुरुदत्ताचे आशीर्वाद घेणे. त्र्यंबकेश्वरच्या पवित्र वातावरणात गुरुदत्ताची कृपा मिळाल्याने या कार्यक्रमाला एक नवा अध्यात्मिक आयाम मिळाला. सर्वांनी एकत्र येऊन परमेश्वराची प्रार्थना केली आणि आपल्या पुढील आयुष्यासाठी सकारात्मक ऊर्जेचा संचार केला.
कार्यक्रमाच्या शेवटी, "आपली मैत्री ही कधीही जुनी होत नाही; आपण वयाने मोठे होतो, पण मन मात्र नेहमीच तरुण राहते"या भावनेने सर्वांनी पुन्हा भेटण्याचा निर्धार केला. या दोन दिवसांनी सगळ्यांच्या हृदयात एक नवचैतन्य आणि प्रेमाचे बंध आणले.
के. नारखेडे विद्यालयाच्या १९९४ बॅचचे हे स्नेहसंमेलन म्हणजे एक अविस्मरणीय सोहळा ठरला, ज्याने पुन्हा एकदा सिद्ध केले की खरी मैत्री ही काळाच्या ओघात कधीच विसरली जात नाही, उलट वर्षानुवर्षे ती अधिक मजबूत होते!
कोणत्याही टिप्पण्या नाहीत