बोदवड (नाडगाव) रेल्वे स्टेशनवर सुरत-अमरावती एक्सप्रेसला थांबा मिळाला..!

लेवाजगत न्युज, बोदवड :-
आज बोदवड (नाडगाव) रेल्वे स्टेशनवर सुरत-अमरावती एक्सप्रेस गाडीला थांबा मिळाला. यावेळी आमदार चंद्रकांत पाटील यांच्यासह शिवसेना-भाजप-राष्ट्रवादी महायुतीचे पदाधिकारी, कार्यकर्ते, प्रवासी तसेच विविध संघटनांचे प्रमुख उपस्थित होते. हिरवा झेंडा दाखवत गाडीला थांबा देण्यात आला.

मागील अनेक दिवसांपासून शिवसेना, रेल्वे प्रवासी संघटना, कर्मचारी वर्ग व स्थानिक जनतेच्या सातत्यपूर्ण पाठपुराव्यामुळे अखेर ही मागणी मान्य झाली आहे.

 या कार्यक्रमावेळी रेल्वे स्टेशनवर असलेल्या गैरसोयी, तक्रारी व समस्या प्रवाशांकडून जाणून घेण्यात आल्या व त्याबाबत संबंधित अधिकारी व रेल्वे प्रशासनाला सूचना करण्यात आल्या.

हा निर्णय बोदवड व परिसरातील प्रवाशांसाठी मोठा दिलासा ठरणार असून सोयी-सुविधांमध्ये मोठी भर पडणार आहे.