पोलिस कर्मचाऱ्याचा गळा चिरून आत्महत्येचा प्रयत्न
पोलिस कर्मचाऱ्याचा गळा चिरून आत्महत्येचा प्रयत्न
जखमी स्थितीत रुग्णालयात दाखल; कारण अस्पष्ट
लेवाजगत धुळे (प्रतिनिधी) –
शहरातील कृषी उत्पन्न बाजार समिती परिसरात नुकतीच पोलिस कर्मचाऱ्याच्या रायफलजखमीची घटना घडलेली असतानाच मंगळवारी सायंकाळी आणखी एक धक्कादायक घटना उघडकीस आली. धुळे पोलिस मुख्यालयात कार्यरत असलेल्या अंकुश बच्छाव या पोलिस कर्मचाऱ्याने धारदार शस्त्राने स्वतःच गळा चिरून आत्महत्येचा प्रयत्न केल्याची माहिती समोर आली आहे.
घटनेचा तपशील
सदर घटना सायंकाळी घडली तेव्हा पोलिस मुख्यालयात नेहमीप्रमाणे वर्दळ सुरू होती. अचानक कॉन्स्टेबल अंकुश बच्छाव हे जखमी अवस्थेत आढळले. त्यांच्या गळ्यातून रक्त वाहत असल्याचे पाहताच सहकाऱ्यांनी तत्काळ त्यांना साक्री रोडवरील जिल्हा रुग्णालयात दाखल केले.
तेथे प्राथमिक उपचारानंतर डॉक्टरांनी अधिक उपचारासाठी त्यांना हिरे रुग्णालयात हलवण्याचा सल्ला दिला. त्यानुसार रात्री सुमारे सातच्या सुमारास बच्छाव यांना हिरे रुग्णालयात दाखल करण्यात आले.
कारण अद्याप अस्पष्ट
या टोकाच्या निर्णयामागचे नेमके कारण अद्याप स्पष्ट झालेले नाही. मानसिक ताणतणाव किंवा वैयक्तिक कारणांमुळे त्यांनी हे पाऊल उचलले असावे, अशी चर्चा सुरू आहे.
पोलिस विभागात खळबळ
या घटनेमुळे पोलिस विभागात मोठी खळबळ उडाली आहे. वरिष्ठ अधिकाऱ्यांनी घटनेला दुजोरा दिला असून, याबाबत नोंद करण्याचे काम रात्री उशिरापर्यंत सुरू होते.
कोणत्याही टिप्पण्या नाहीत