खिरोदा येथील ज्येष्ठ नागरिक हरी चोलू टोके यांचे निधन

खिरोदा येथील ज्येष्ठ नागरिक हरी चोलू टोके यांचे निधन

लेवा जगत न्यूज प्रतिनिधी – खिरोदा :
खिरोदा गावातील ज्येष्ठ नागरिक  हरी चोलू टोके (वय 87 वर्षे) यांचे आज शुक्रवार, दि. 3 ऑक्टोबर रोजी सकाळी 6 वाजून 10 मिनिटांनी अल्पशा आजाराने निधन झाले. त्यांच्या निधनाची वार्ता कळताच टोके कुटुंबीयांसह नातेवाईक व गावकऱ्यांमध्ये शोककळा पसरली.

 हरी चोलू टोके हे साधे, शांत व मनमिळाऊ स्वभावाचे गृहस्थ म्हणून परिचित होते. समाजकार्याबद्दल नेहमी तत्पर राहणाऱ्या त्यांच्या जाण्याने गावाच्या सामाजिक जीवनात पोकळी निर्माण झाली असल्याची भावना नागरिकांतून व्यक्त होत आहे.

त्यांच्या पश्चात 3 मुले, सुना, 2 मुली, जावई व नातवंडे असा मोठा परिवार आहे. ते गजेंद्र हरि टोके यांचे वडील तसेच चंदन व वैभव टोके यांचे आजोबा होत. कुटुंबातील सर्वच सदस्य सामाजिक व शैक्षणिक क्षेत्रात कार्यरत असून गावातील मान्यवर कुटुंबांपैकी एक म्हणून त्यांचा परिचय आहे.

त्यांची अंत्ययात्रा आज शुक्रवार, दुपारी 1 वाजता राहत्या घरून (खिरोदा) निघणार असून गावातील मान्यवर, नातेवाईक व नागरिक उपस्थित राहणार आहेत.

🙏 लेवा जगत परिवार दिवंगत आत्म्यास भावपूर्ण श्रद्धांजली अर्पण करतो. 🙏