उत्कृष्ट गुणांसह DUPEMS च्या आर्यन चौधरीची ISRO अभ्यास दौऱ्यासाठी निवड

 उत्कृष्ट गुणांसह DUPEMS च्या आर्यन चौधरीची ISRO अभ्यास दौऱ्यासाठी निवड 

सावदा (लेवाजगत प्रतिनिधी)डॉ. उल्हास पाटील इंग्लिश मीडियम स्कूल, सावदा (DUPEMS) या संस्थेचा हुशार विद्यार्थी आर्यन सागर चौधरी याने नोबेल टॅलेंट सर्च परीक्षा २०२५ मध्ये ८१ गुणांसह उत्तीर्ण होऊन प्रतिष्ठित ISRO अभ्यास दौऱ्यासाठी स्थान मिळवले आहे.

या कामगिरीमुळे शाळेचा गौरव वाढला असून विद्यार्थ्यांना उच्च ध्येये गाठण्यासाठी प्रेरणा मिळाली आहे. आर्यनचे यश हे त्याच्या शैक्षणिक कौशल्याचे आणि कठोर परिश्रमाचे प्रतीक आहे.

आर्यन हा शिक्षण प्रसारक मंडळ न्हावीचे संचालक श्री. सागर मधुकर चौधरी यांचा मुलगा असून, शाळेतील संपूर्ण परिवाराने त्याचे मनःपूर्वक अभिनंदन केले. त्याला ISRO अभ्यास दौऱ्यातील फलदायी अनुभवासाठी शुभेच्छा देण्यात आल्या. 

— लेवा जगत न्यूज