LPG Gas : छगन भुजबळ म्हणाले, 'कदाचित तीन महिन्यात LPG बंद होईल', मुख्यमंत्री फडणवीस काय म्हणाले?

 

LPG Gas : छगन भुजबळ म्हणाले, 'कदाचित तीन महिन्यात LPG बंद होईल', मुख्यमंत्री फडणवीस काय म्हणाले?

PNG गॅसला प्रोत्साहन; LPGवरील अवलंबित्व कमी करण्याचा केंद्राचा प्रयत्न

नवी दिल्ली, प्रतिनिधी : अन्न व नागरी पुरवठा मंत्री यांच्या दिल्ली दौऱ्यात PNG (पाईप्ड नॅचरल गॅस) आणि LPG गॅस पुरवठ्यासंदर्भात महत्त्वपूर्ण बैठक पार पडली. या बैठकीत देशातील विविध राज्यांचे मंत्री व वरिष्ठ अधिकारी सहभागी झाले होते.

या बैठकीला केंद्रीय मंत्री , पेट्रोलियम मंत्री तसेच केंद्रीय अन्न व नागरी पुरवठा मंत्री उपस्थित होते. गॅस पुरवठा अधिक सुलभ व परिणामकारक करण्याबाबत सविस्तर चर्चा करण्यात आली.

बैठकीनंतर बोलताना भुजबळ यांनी सांगितले की, PNG हा LPGपेक्षा स्वस्त व सोयीस्कर पर्याय असून त्याचा वापर वाढवण्यावर भर दिला जाणार आहे. नागरिकांनी मोठ्या प्रमाणात PNG कनेक्शन घ्यावीत, यासाठी प्रचार-प्रसार वाढवण्याची गरज त्यांनी व्यक्त केली.

तसेच, ज्या भागात PNG उपलब्ध आहे, त्या ठिकाणी नवीन इमारतींना ऑक्युपेशन सर्टिफिकेट (OC) देताना PNG कनेक्शन अनिवार्य करण्याचा प्रस्तावही मांडण्यात आला आहे. पाणी कनेक्शनप्रमाणेच PNG कनेक्शन बंधनकारक करण्याबाबत चर्चा सुरू असल्याची माहिती त्यांनी दिली.

दरम्यान, पाईपलाईन टाकण्यासाठी महापालिका व नगरपालिका स्तरावर परवानग्या मिळण्यात होणारा विलंब ही मोठी अडचण असल्याचेही त्यांनी नमूद केले. यावर उपाय म्हणून केंद्र सरकारने परवानगी प्रक्रियेत सुलभता आणण्याचे निर्देश दिले असून, आवश्यक परवानग्या मिळाल्या असे समजून कामांना गती देण्याचा निर्णय घेण्यात आला आहे.

याबाबत मुख्यमंत्री यांनीही प्रतिक्रिया देताना सांगितले की, राज्यात गॅस पाईपलाईन टाकण्यासाठी नियम शिथिल करण्यात आले आहेत. शहरांमध्ये PNGचा प्रसार वाढल्यास LPGवरील ताण कमी होऊन भविष्यातील गॅस टंचाई टाळता येईल, असा विश्वास त्यांनी व्यक्त केला.

एकंदरीत, पर्यावरणपूरक व किफायतशीर पर्याय म्हणून PNG गॅसचा वापर वाढवण्याच्या दिशेने केंद्र व राज्य सरकारने ठोस पावले उचलण्यास सुरुवात केली आहे.