जिल्हास्तरीय लोकशाही दिन ६ जुलै रोजी

लेवाजगत न्यूज जळगाव, दि. २ जुलै : प्रत्येक महिन्याच्या पहिल्या सोमवारी जिल्हास्तरावर लोकशाही दिन आयोजित करण्यात येतो. त्यानुसार जुलै महिन्याचा जिल्हास्तरीय लोकशाही दिन सोमवार, दि. ६ जुलै २०२६ रोजी सकाळी १०.३० वाजता जिल्हाधिकारी कार्यालयातील अल्पबचत सभागृहात आयोजित करण्यात आला आहे.

ज्या नागरिकांनी यापूर्वी तालुका लोकशाही दिनात अर्ज सादर केलेला आहे आणि त्या अर्जासंदर्भात एका महिन्याच्या आत तालुकास्तरावरून कोणतेही उत्तर प्राप्त झालेले नाही, अशा नागरिकांनी आपल्या वैयक्तिक हितसंबंधाच्या तक्रारींसह जिल्हास्तरीय लोकशाही दिनास उपस्थित राहावे, असे आवाहन निवासी उपजिल्हाधिकारी वैशाली चव्हाण यांनी केले आहे.