गरजू रुग्णांनी मोफत आरोग्य तपासणी शिबिराचा लाभ घ्यावा : सूरज परदेशी

 

गरजू रुग्णांनी मोफत आरोग्य तपासणी शिबिराचा लाभ घ्यावा : सूरज परदेशी

सावदा : आमदार श्री. चंद्रकांत भाऊ पाटील यांच्या वाढदिवसानिमित्त ‘आरोग्य हिरक सप्ताह’ अंतर्गत सावदा शिवसेना मित्रपरिवाराच्या वतीने रविवार, दि. २७ सप्टेंबर २०२६ रोजी मोफत भव्य आरोग्य तपासणी शिबिराचे आयोजन करण्यात आले आहे. शहरातील तसेच परिसरातील नागरिकांनी या शिबिराचा मोठ्या संख्येने लाभ घ्यावा, असे आवाहन सूरज परदेशी, शिवसेना शहरप्रमुख तथा नगरसेवक, सावदा यांनी केले आहे.

हे आरोग्य शिबिर रविवार, दि. २७ सप्टेंबर रोजी सकाळी १० ते दुपारी ५ वाजेपर्यंत नगरपालिकेजवळ, सावदा येथे आयोजित करण्यात आले आहे. आर्थिक परिस्थितीमुळे अनेक गरजू नागरिक नियमित आरोग्य तपासणी करून घेऊ शकत नाहीत. अशा नागरिकांना वेळेवर आरोग्य तपासणी व आवश्यक मार्गदर्शन मिळावे, या सेवाभावी उद्देशाने या शिबिराचे आयोजन करण्यात आले आहे.

शिबिरामध्ये हृदयरोग तपासणी, सामान्य आरोग्य तपासणी, हाडे व सांधे तपासणी, डोळ्यांची तपासणी, दंत तपासणी, कान-नाक-घसा (ENT) तपासणी, स्त्रीरोग तपासणी तसेच बालरोग तपासणी अशा विविध वैद्यकीय सुविधा उपलब्ध करून देण्यात येणार आहेत. तपासणीनंतर आवश्यकतेनुसार पुढील उपचारांसाठीही रुग्णांना मार्गदर्शन केले जाणार आहे.

सावदा शहरातील ज्येष्ठ नागरिक, महिला, बालके तसेच विविध आरोग्यविषयक तक्रारी असलेल्या नागरिकांनी या शिबिरात उपस्थित राहून आपली तपासणी करून घ्यावी. आपल्या कुटुंबातील किंवा परिचयातील आर्थिकदृष्ट्या गरजू रुग्णांपर्यंतही या शिबिराची माहिती पोहोचवावी, असे आवाहन आयोजकांनी केले आहे.

“पैशाअभावी कोणत्याही गरजू रुग्णाला योग्य आरोग्य तपासणी व उपचारापासून वंचित राहावे लागू नये, हा या उपक्रमामागील मुख्य उद्देश आहे. नागरिकांनी या संधीचा लाभ घेऊन आपल्या आरोग्याची तपासणी करून घ्यावी,” असे सूरज परदेशी यांनी सांगितले.

या शिबिराचा अधिकाधिक नागरिकांना लाभ मिळावा यासाठी सावदा शहर व परिसरातील नागरिकांनी सहकार्य करावे, तसेच गरजू रुग्णांनी वेळेत उपस्थित राहावे, असेही त्यांनी आवाहन केले.

रुग्णसेवा हीच खरी ईश्वरसेवा असून, निरोगी समाजाच्या दिशेने ‘आरोग्य हिरक सप्ताह’ हा एक महत्त्वपूर्ण उपक्रम ठरणार आहे.

संपर्क :
निलेश चंद्रकांत खाचणे
सावदा शिवसेना शहर संघटक
मो. ७०२८९९८१०७

आवाहन :
सूरज परदेशी
शिवसेना शहरप्रमुख तथा नगरसेवक, सावदा