सावदा येथील श्री स्वामिनारायण मंदिरात २७ सप्टेंबरपासून श्राद्ध विधीचे आयोजन

 

श्री स्वामिनारायण मंदिर, सावदा येथे श्राद्ध विधीचे आयोजन

 येथे जाहिरात प्रसिद्ध करण्यासाठी संपर्क साधा -8983689844

सावदा, ता. रावेर : पितृपक्षाच्या पार्श्वभूमीवर सावदा येथील श्री स्वामिनारायण मंदिरात वडताल निर्णयाप्रमाणे श्राद्ध विधीचे आयोजन करण्यात आले आहे. दि. २७ सप्टेंबर २०२६ ते १० ऑक्टोबर २०२६ या कालावधीत पितृपक्षातील संबंधित तिथीनुसार हरिभक्तांना मंदिरात श्राद्ध विधी करता येणार आहे.

अनेक नागरिकांना विविध कारणांमुळे घरी श्राद्ध विधी करणे शक्य होत नाही. अशा नागरिकांसाठी श्री स्वामिनारायण मंदिरात श्राद्ध विधी करण्याची सुविधा उपलब्ध करून देण्यात आली आहे. ज्या नागरिकांना घरी श्राद्ध करता येत नाही, त्यांनी आपल्या पूर्वजांच्या तिथीनुसार दि. २७ सप्टेंबरपासून १० ऑक्टोबरपर्यंत मंदिरात श्राद्ध विधी करण्यासाठी संपर्क साधावा, असे आवाहन मंदिराच्या वतीने करण्यात आले आहे.

श्राद्ध विधीसाठी मंदिरात येणाऱ्या हरिभक्तांनी रु. ३५१/- अर्पण करावेत. पितृपक्षातील ज्या तिथीला श्राद्ध करावयाचे आहे, त्या तिथीनुसार विधीचे नियोजन करण्यात येणार आहे. त्यामुळे संबंधित हरिभक्तांनी वेळेत मंदिराशी संपर्क साधून श्राद्ध विधीसाठी नोंदणी करावी, असे सांगण्यात आले आहे.

या उपक्रमास प.पू.ध.धु. १००८ आचार्यश्री राकेशप्रसादजी महाराज, प.पू.स.गु.शा.स्वा. श्री धर्मप्रसाददासजी आणि प.पू.स.गु.शा.स्वा. श्री भक्तिप्रकाशदासजी यांचे आशीर्वाद लाभले आहेत. को.शा.स्वामी श्री स्वयंप्रकाशदासजी यांच्या मार्गदर्शनाखाली हा उपक्रम आयोजित करण्यात आला आहे.

पितृपक्ष हा पूर्वजांचे स्मरण करून त्यांच्या प्रती श्रद्धा व्यक्त करण्याचा कालावधी मानला जातो. त्यामुळे घरी श्राद्ध विधी करणे शक्य नसलेल्या नागरिकांनी मंदिरातील या सुविधेचा लाभ घ्यावा, असे आवाहन करण्यात आले आहे.

संपर्क : स्वामी सत्यप्रकाशदासजी
मो. नं. ८६६८९६२२२१

स्थळ : श्री स्वामिनारायण मंदिर, सावदा, ता. रावेर, जि. जळगाव