मालोदच्या लाचखोर कोतवालासह खाजगी पंटरला अटक 

लेवाजगत न्यूज यावल :-  तक्रारदाराच्या शेतजमिनीच्या सातबारा उताऱ्यावरील इतर अधिकार नोंदमधून कमी करून देण्याच्या मोबदल्यात पाच हजारांची लाच मागून ती स्वीकारतांना किनगावात मालोदच्या कोतवालासह खाजगी पंटराला लाच लुचपत विभागाने रंगेहात पकडले या कारवाई  महसूल विभागातील लाचखोरांच्या गोटात प्रचंड खळबळ उडाली आहे. अटक करण्यात आलेल्या कोतवालचे नाव जहाँगीर बहादुर तडवी , तर पंटर मनोहर दयाराम महाजन असे आहे. नायगात तालुका यावल येथील तक्रारदाराचे सावखेडासीम , ता ल. यावल येथे शेत आहे. या शेताच्या उताऱ्यावर इतर अधिकार नोंदमधील तक्रारदार यांची बहिणचे नाव मंडळाधिकारी , किनगाव यांच्याकडून कमी करून देणार असल्याचे सांगत किनगाव मंडळाधिकाऱ्याच्या नावाने पाच हजारांची लाच मालोद कोतवाल जहाँगीर तडवी याने दिनांक २२ फेब्रुवारी रोजी मागितली होती. याबाबत लाच लुचपत प्रतिबंधक विभागाकडे तक्रार करण्यात आल्यानंतर लाचेची पडताळणी करून सापळा रचण्यात आला . किनगाव मंडळाधिकारी यांच्या कार्यालयासमोरील विद्या जनरल स्टोअर्स संचालक मनोहर महाजन यांच्याकडे लाचेची रक्कम देण्याचे आरोपी तडवी याने सांगितल्यानंतर तक्रारदाराने लाच रक्कम महाजन यांच्याकडे देताच पंचांसमक्ष त्यास अटक करण्यात आली व नंतर तडवी यालाही अटक करण्यात आली. हा सापळा एसीबीचे नाशिक पोलिस अधीक्षक सुनील कडासने , अपर पोलि अधीक्षक एन. एस. न्याहळदे , पोलिस उपअधीक्षक स. डी. भामरे ( रीडर ) यांच्या मार्गदर्शनाखाली जळगाव डी . भामरे ( रीडर ) यांच्या मार्गदर्शनाखाली जळगाव एसीबीचे पोलीस उपअधीक्षक शशीकांत एस. पाटील , पोलिस निरीक्षक संजोग बच्छाव व पोलिस निरीक्षक एन . एन . जाधव , एएसआय दिनेशसिंग पाटील , एएसआय सुरेश पाटील , हवालदार अशोक अहिरे , हवालदार सुनील पाटील , हवालदार शैला धनगर , नाईक मनोज जोशी , पोलिस नाईक जनार्धन चौधरी , कॉन्स्टेबल प्रवीण पाटील , कॉन्स्टेबल महेश सोमवंशी , कॉन्स्टेबल नासीर देशमुख , कॉन्स्टेबल प्रदीप पोळ आदींच्या पथकाने यशस्वी केला.