आषाढीसाठी भाविक मोठ्या उत्साहात भुसावळ येथून विशेष रेल्वे गाडीने पंढरपूर रवाना; खासदार रक्षाताई खडसे यांनी स्वखर्चाने केली व्यवस्था

लेवाजगत न्युज:-

जळगांव व बुलडाणा जिल्ह्यासह परिसरातील वारकरी आज मोठ्या उत्साहात भुसावळ रेल्वे स्टेशन येऊन अनआरक्षित “विशेष आषाढी” रेल्वे गाडीने पंढरपूर साठी रवाना झाले. रावेर लोकसभेच्या खासदार श्रीमती रक्षाताई खडसे यांनी केंद्रीय रेल्वे राज्यमंत्री श्री.रावसाहेब दानवे  यांचेकडे सदर गाडीची शिफारस केली होती, त्यानुसार भुसावळ येथून दि.९ जुलै रोजी दु.०१.३० वा पंढरपूरसाठी गाडी क्र.०११२९ रवाना झाली असुन दि.१० जुलै रोजी सकाळी ३.३० पोहोचणार आहे. तर दि.१० जुलै रोजी पंढरपूर येथून रात्री १०.३० वा गाडी क्र.०११३० निघणार असुन दि.११ जुलै रोजी सकाळी ०१.०० वाजता भुसावळ येथे परत येणार आहे. 

यावेळी खासदार श्रीमती रक्षाताई खडसे यांचे मार्फत गाडीतील एकूण जनरल तिकिटांची स्वखर्चाने खरेदी करण्यात आली व सदर विशेष गाडीची सुविधा भाविकांसाठी मोफत उपलब्ध करण्यात आली. खासदार श्रीमती रक्षाताई खडसे यांचे कार्यलयीन कर्मचारी व प्रमुख भाजपा कार्यकर्त्यांनी समस्त भाविकांशी यावेळी संवाद साधून त्यांना रवाना केले. जपानचे माजी प्रधानमंत्री शिन्जो आबे यांच्या निधनानिमित्त प्रधानमंत्री मा.नरेंद्र मोदी यांनी एक दिवसाचा शासकिय दुखावटा जाहीर केल्यामुळे खासदार श्रीमती रक्षाताई खडसे यांनी सदर गाडीस हिरवा झेंडा दाखविला नाही.