दीपक केसरकर उडते पक्षी,आदित्य ठाकरेंवरील टीकेमुळे किशोरी पेडणेकर संतापल्या

दीपक केसरकर उडते पक्षी,आदित्य ठाकरेंवरील टीकेमुळे किशोरी पेडणेकर संतापल्या

वृत्तसंस्था मुंबई- महापालिकेवर आम्ही शिवसेनेचा भगवा फडकवणार, किशोरी पेडणेकरांचा निर्धार

गुरुपौर्णिमेनिमित्त शिवसैनिक आज शिवाजी पार्कमध्ये बाळासाहेब ठाकरेंच्या स्मृतीस्थळावर अभिवादन करण्यासाठी गर्दी आहेत. मुंबईच्या महापौर किशोरी पेडणेकर देखील अभिवादन कऱण्यासाठी पोहोचल्या होत्या. दरम्यान यावेळी प्रसारमाध्यमांशी बोलताना किशोरी पेडणेकर यांनी मुंबई महापालिकेवर आम्ही शिवसेनेचा भगवा फडकवणार असा निर्धार व्यक्त केला. तसंच आदित्य ठाकरेंवर टीका करणारे शिंदे गटाचे प्रवक्ते दीपक केसरकर यांच्यावर टीकास्त्र सोडंल.

“उद्धव ठाकरे आणि आदित्य ठाकरेंच्या नेतृत्वाखाली मुंबई महापालिकेवर आम्ही शिवसेनेचा भगवा फडकवणार,” असा विश्वास किशोरी पेडणेकर यांनी व्यक्त केला.

   दरम्यान दीपक केसरकर यांनी आदित्य ठाकरेंनी संजय राऊतांची भाषा बोलायची आहे की उद्धव ठाकरे यांची याचा निर्णय लवकर घ्यावा असं म्हटलं आहे. यासंबंधी विचारण्यात आलं असता त्यांनी म्हटलं की, “दीपक केसरकर उडते पक्षी आहेत. येथून उड आणि तिथे बस, तिथून उड आणि इथे बस असंच करत असतात. आमच्यासारख्या कट्टर शिवसैनिकांना त्यांच्याबद्दल विचारु नका”.