अचंबित करणारी घटना-नववीच्या विद्यार्थ्याकडे आढळला गावठी कट्टा !
अचंबित करणारी घटना-नववीच्या विद्यार्थ्याकडे आढळला गावठी कट्टा !
फैजपूर प्रतिनिधी-भुसावळ शहरापासून जवळच असलेल्या यावल तालुक्यातील अकलूद शिवारातील नामांकीत शाळेमध्ये नववीच्या विद्यार्थ्याच्या दप्तरात गावठी कट्टा आढळून आल्याने एकच खळबळ उडाली आहे.
भुसावळ शहरापासून जवळच यावल तालुक्यातील अकलूद शिवारात नामांकीत शाळेत आज सकाळी येथील शिक्षकांनी नियमीतपणे विद्यार्थ्यांच्या दप्तर तपासणी केली असता नववीत शिकत असलेल्या विद्यार्थ्याकडे गावठी कट्टा आढळून आला.
यामुळे शिक्षकांना धक्का बसला. या संदर्भातील माहिती शाळेच्या प्रशासनाला देण्यात आली. यानंतर सदर विद्यार्थ्याच्या विरोधात फैजपूर पोलीस स्थानकात तक्रार नोंदविण्यात आली असून गावठी कट्टा जप्त करण्यात आला आहे. एका प्रतिष्ठित शाळेतील विद्यार्थ्याकडे गावठी पिस्तूल आढळून आल्यामुळे एकच खळबळ उडाली आहे.
कोणत्याही टिप्पण्‍या नाहीत