बेपत्ता पाणबुडी अखेर सापडली. टायटॅनिक पाहायला गेलेल्या अब्जाधीशांसह पाच ही जणांचा मृत्यू

लेवाजगत न्युज:-

रविवारी टायटॅनिक च्या अवशेषांना भेट देण्यासाठी गेलेल्या पाणबुडीचा भयंकर स्फोट झाला, ज्यात जहाजावरील सर्वांचा मृत्यू झाला. ओशियन गेट या पर्यटन कंपनीच्या एका छोट्या पाणबुडी मधून पाच अब्जाधीश टायटॅनिक जहाजाचे अवशेष पाहायला गेले होते. रविवारी टायटन या सबमरीन मधून हे अटलांटिक महासागराच्या तळाशी जात होते. मात्र, काही तांत्रिक बिघाडामुळे या पाणबुडीचा आणि त्यासह त्यातील सर्वांचा संपर्क तुटला. यानंतर बेपत्ता झालेल्या या सर्वांचा शोध सुरू करण्यात आला होता. दुर्दैवाने या पाणबुडी मधील सर्व प्रवासी मृत्युमुखी पडले आहेत.

 बेपत्ता झालेल्या पाणबुडीत ब्रिटनचे अब्जाधीश उद्योगपती हामिश हार्डिंग यांच्यासह पाकिस्तानचे अब्जाधीश उद्योगपती शहजादा दाऊद आणि त्यांचा मुलगा सुलेमान हे देखील होते. या तीन पर्यटका शिवाय एक पायलट आणि एक कंटेंट एक्सपर्ट असे एकूण पाच लोक असलेल्या पाणबुडीनं न्यूफाऊंडलँडच्या सेंट जॉन्स इथून पाण्यात डुबकी लावली. त्यानंतर टायटॅनिकच्या अवशेषा पर्यंत पोहोचून पुन्हा परत समुद्राबाहेर येण्साठी आठ तासांचा कालावधी लागतो. पण टायटन त्यात यशस्वी ठरली नाही.