शेतकऱ्यांच्या पाठीशी आमदार अमोलभाऊ, केळी दरवाढीसाठी बैठक
शेतकऱ्यांच्या पाठीशी आमदार अमोलभाऊ,केळी दरवाढीसाठी बैठक
लेवाजगत न्यूज सावदा- रावेर व यावल तालुक्यातील केळी उत्पादक शेतकऱ्यांना त्यांच्या उत्पादनाला चांगला दर मिळावा यासाठी आमदार अमोलभाऊ जावळे यांनी पुढाकार घेतला आहे. यासंदर्भात त्यांनी सावदा रेस्ट हाऊस येथे एक महत्त्वपूर्ण बैठक आयोजित केली. या बैठकीस मुंबई व जळगाव येथील कलेक्टर ऑफिसचे शिंदे साहेब, तसेच प्रांत अधिकारी बबन काकडे साहेब यांच्यासह विविध प्रशासकीय अधिकाऱ्यांची उपस्थिती होती.
या बैठकीत केळी दरातील चढ-उतार, बाजारपेठेतील मागणी-पुरवठा स्थिती, आणि शेतकऱ्यांना थेट लाभ मिळवून देण्यासाठी आवश्यक उपाययोजना यावर सविस्तर चर्चा झाली. आमदार अमोलभाऊ जावळे यांनी शेतकऱ्यांच्या हिताचे धोरण आखण्यासाठी प्रशासनाच्या प्रतिनिधींशी थेट संवाद साधला.
या बैठकीस माजी नगराध्यक्ष राजेंद्र चौधरी ललित बोंडे, सागर चौधरी यांच्यासह अनेक स्थानिक कार्यकर्ते व शेतकरी उपस्थित होते. आमदार जावळे यांच्या या प्रयत्नांमुळे येत्या काळात केळी उत्पादकांना अधिक चांगला भाव मिळण्याची शक्यता निर्माण झाली आहे.
कोणत्याही टिप्पण्या नाहीत