“एक दुर्वा समर्पणा”तून अंतर्नाद प्रतिष्ठानकडून १८७ विद्यार्थ्यांना शैक्षणिक साहित्य, १० विद्यार्थ्यांना सायकल वाटप

 

“एक दुर्वा समर्पणा”तून अंतर्नाद प्रतिष्ठानकडून १८७ विद्यार्थ्यांना शैक्षणिक साहित्य, १० विद्यार्थ्यांना सायकल वाटप 

भुसावळ (लेवाजगत न्यूज प्रतिनिधी) :शहरातील अंतर्नाद प्रतिष्ठानतर्फे दरवर्षीप्रमाणे यंदाही “एक दुर्वा समर्पण” हा उपक्रम राबविण्यात आला. या वर्षी या उपक्रमाचे नववे वर्ष असून गणेशोत्सवाच्या खर्चात बचत करून तसेच दात्यांच्या स्वेच्छा मदतीतून गरीब व गरजू विद्यार्थ्यांना शैक्षणिक साहित्य वाटप करण्यात आले.

पाच दिवस चाललेल्या या उपक्रमाअंतर्गत १८७ विद्यार्थ्यांना वह्या, पेन, अक्षरमित्र पुस्तके, पाट्या, पेन्सिली, पट्ट्या, खोडरबर, रंगपेट्या, रजिस्टर आदी साहित्याचे वाटप करण्यात आले. उपक्रमाच्या समारोप दिनी विशेष कार्यक्रमात १० विद्यार्थ्यांना सायकलींचे वाटप करण्यात आले. विद्यार्थ्यांच्या चेहऱ्यावर आनंदाचे हास्य उमटले.

उपक्रमाची सुरुवात व विस्तार
यावल तालुक्यातील विरोदा येथील जिल्हा परिषद प्राथमिक शाळेत या उपक्रमाचा शुभारंभ झाला. त्यानंतर वढोदा (ता. यावल) व फेकरी (ता. भुसावळ) येथील शाळांमध्ये शैक्षणिक साहित्य वाटप करण्यात आले. भुसावळ येथे झालेल्या सायकल वितरण सोहळ्यात प्रकल्प प्रमुख अमितकुमार पाटील, समन्वयक कपिल धांडे, सहसमन्वयक केतन महाजन, ज्ञानेश्वर घुले, योगेश इंगळे, कुंदन वायकोळे, जीवन महाजन, समाधान जाधव, विक्रांत चौधरी, विपीन वारके, दीपक वारके तसेच प्रतिष्ठानचे अध्यक्ष संदीप पाटील यांच्यासह विद्यार्थी व पालक उपस्थित होते.

🔹 दीपस्तंभ फाउंडेशनचे सहकार्य
दीपस्तंभ फाऊंडेशन, मनोबल-जळगाव येथे वापराअभावी पडून असलेल्या नवीन सायकली अंतर्नाद प्रतिष्ठानने मागणी करून विद्यार्थ्यांच्या सेवेसाठी उपलब्ध करून घेतल्या. दुरुस्ती करून या सायकली गरजू विद्यार्थ्यांना यावल व भुसावळ तालुक्यात वाटप करण्यात आल्या. या कार्यासाठी संस्थापक यजुर्वेंद्र महाजन, संचालक राजेंद्र पाटील, सीएसआर प्रमुख योगेश सूर्यवंशी, ॲडमिन सम्राट माळवदकर, एचआर प्रमुख ईशल नाईक, हॉस्टेल प्रमुख विद्या भालेराव व योगिता महाजन यांचे विशेष सहकार्य लाभले.

🔹 दातृत्वाची साथ
या उपक्रमाच्या यशात प्रवीण बऱ्हाटे, अभिषेक चौधरी, देवानंद पाटील, तेजस पाटील, सुनील तायडे, सचिन पाचपांडे, प्रवीण पाटील, राजू बोंडे, मनमोहन करसाळे, भरत बऱ्हाटे, किशोर पाटील, भूषण कोटेचा, अलका सुरवाडे यांनी मोलाचे योगदान दिले.

🔹 भविष्यात व्यापक स्वरूप
“या उपक्रमामुळे अनेक विद्यार्थ्यांच्या शैक्षणिक गरजा पूर्ण करता आल्या. आगामी काळात या उपक्रमाला आणखी व्यापक स्वरूप देऊन अधिकाधिक विद्यार्थ्यांपर्यंत पोहोचवण्याचा आमचा मानस आहे,” असे प्रकल्प समन्वयक कपिल धांडे यांनी सांगितले.