गोदावरी पाटील यांचे निधन

 

🌹🙏  –  गोदावरी पाटील यांचे निधन🙏🌹

समाजसेवेच्या कार्यातून आणि शिक्षण क्षेत्रातील उपक्रमांतून जनतेच्या मनावर अधिराज्य गाजवणाऱ्या गोदावरी फाउंडेशन या ख्यातनाम संस्थेच्या नावाचे मूळ प्रेरणास्थान ठरलेल्या  गोदावरी पाटील यांचे दिनांक ३ सप्टेंबर रोजी दुपारी १.३४ वाजता दुःखद निधन झाले. त्यांच्या जाण्याने जळगाव जिल्ह्यासह समाजजीवनात मोठी पोकळी निर्माण झाली आहे.

 गोदावरी पाटील या माजी खासदार डॉ. उल्हास पाटील, सुभाष पाटील व प्रमिला पाटील यांच्या मातोश्री होत. मातोश्रींच्या संस्कारांनी, मार्गदर्शनाने आणि आशीर्वादाने डॉ. उल्हास पाटील यांनी समाजसेवा, राजकारण व शिक्षणक्षेत्रात भक्कम पायाभरणी केली. त्यांच्या जीवनवेलीवर उमललेले आदर्श विचार आजही समाजासाठी दीपस्तंभ ठरत आहेत.

त्यांचा शांत, संयमी, प्रेमळ स्वभाव आणि कुटुंब व समाजासाठी दिलेले योगदान हे विसरण्यासारखे नाही. मातृसमान माया, कर्तृत्वाचा ठसा आणि निस्वार्थ त्याग यामुळेच त्या सर्वांच्या मनात "आई" म्हणून वावरल्या.

त्यांच्या स्मृतीने समाजमन कायम प्रेरित राहील, हे नक्की.
👉 उद्या गुरुवार, दिनांक ४ सप्टेंबर रोजी सकाळपर्यंत पार्थिव गोदावरी हॉस्पिटल, भास्कर मार्केट, जळगाव येथे अंतिम दर्शनासाठी ठेवण्यात येणार असून, दुपारी अंत्यसंस्कार होतील.

🌼 त्यांच्या आत्म्यास शांती लाभो. 🌼