पंतप्रधान नरेंद्र मोदी यांच्या वाढदिवशी आ. अमोल जावळे यांच्या पुढाकारातून बामणोद–हंबर्डी रस्त्याचे भूमिपूजन
पंतप्रधान नरेंद्र मोदी यांच्या वाढदिवशी आ. अमोल जावळे यांच्या पुढाकारातून बामणोद–हंबर्डी रस्त्याचे भूमिपूजन
लेवाजगत न्यूज प्रतिनिधी बामनोद –
दीर्घकाळ प्रलंबित असलेल्या बामणोद–हंबर्डी या प्रमुख ग्रामीण रस्त्याच्या विकासकामाचे भूमिपूजन आज उत्साहात पार पडले. भारताचे यशस्वी व कणखर पंतप्रधान नरेंद्रजी मोदी यांच्या वाढदिवसानिमित्त तसेच “सेवा पंधरवडा” च्या पहिल्या दिवशी या सोहळ्याचे आयोजन करण्यात आले. स्थानिक ग्रामस्थांची अनेक वर्षांपासूनची मागणी आज पूर्णत्वास गेली.
गेल्या काही वर्षांपासून या रस्त्याची अवस्था अत्यंत दयनीय झाली होती. खड्ड्यांनी भरलेल्या मार्गामुळे ग्रामस्थांना दैनंदिन प्रवासात मोठ्या अडचणींना सामोरे जावे लागत होते. शेतमाल वाहतुकीलाही अडथळा निर्माण होत होता. या विकासकामामुळे परिसरातील जनजीवन सुलभ होणार असून हा रस्ता जीवनवाहिनी ठरणार आहे.
आमदार अमोलभाऊ जावळे यांनी या प्रश्नाचा शासन दरबारी सातत्याने पाठपुरावा केला. त्यांच्या प्रयत्नांमुळे आवश्यक निधी मंजूर झाला आणि आज भूमिपूजनाचा ऐतिहासिक क्षण साकारला.
या सोहळ्याला ग्रामस्थ, महिला, युवक तसेच पदाधिकारी मोठ्या संख्येने उपस्थित होते. हिरालाल चौधरी, शरददादा महाजन, प्रभाकर सोनावणे, डॉ. नरेंद्र कोल्हे, भरत महाजन, डॉ. जे. डी. भंगाळे, नितीन चौधरी, प्रभाकर सरोदे, आलिशान तडवी, पिंटू तेली, योगराज बऱ्हाटे, उमेश पाटील, नारायण चौधरी, दीपक चौधरी, सागर कोळी, उमेश बेंडाळे, गुणवंत निळ, अमोल वारके, प्रशांत सरोदे, जयश्री चौधरी, लता मेढे, पूजा पाटील, डालू चौधरी, भरत पाटील, ज्ञानेश्वर तायडे, सुपडू नेहते, मच्छिन्द्र चौधरी, चंद्रकांत तळेले, अनंता फेगडे, अण्णा भोळे, कुणाल सोनावणे, प्रकाश वाघुळदे, युवराज सोनावणे, नरेंद्र चौधरी, सतीश चौधरी, सुनील चौधरी यांच्यासह शेकडो ग्रामस्थांच्या उपस्थितीने कार्यक्रमाला उत्साहाचे वातावरण लाभले.
“प्रत्येक सामान्य नागरिकाला दिलासा मिळावा आणि ग्रामविकासाला नवी दिशा मिळावी, यासाठी मी सातत्याने प्रयत्नशील आहे,” असे आमदार अमोलभाऊ जावळे यांनी यावेळी सांगितले.
कोणत्याही टिप्पण्या नाहीत