दुर्दैवी… दोन सरकारी बसची जोरदार धडक; थरकाप उडवणाऱ्या अपघातात एका बसचा चक्काचूर, 11 जणांचा जागीच अंत

लेवाजगत न्युज तामिळनाडू :- तामिळनाडूतील काराईकुडीजवळ दोन सरकारी बसचा भीषण अपघात झाला असून यामध्ये तब्बल 11 जाणांचा मृत्यू झाला आहे. रविवारी झालेल्या या अपघातात दोन राज्य परिवहन बस एकमेकांवर धडकल्या असून 11 मृत्यूंसह 20 हून अधिक जण जखमी झाल्याची माहिती पोलिसांनी दिली आहे. अपघातात एका बसचे खूप नुकसान झाले असून, सोशल मिडियावर थरारक व्हिडिओ आणि फोटो समोर आले आहेत.

जिल्हा पोलिसांच्या एका वरिष्ठ अधिकाऱ्याने पीटीआयशी बोलताना सांगितले की हा अपघात काराईकुडीपासून सुमारे 15 किमी अंतरावर झाला. 11 ही मृतांची संख्या घटनास्थळीच झाली असून त्यात आठ महिला, दोन पुरुष आणि एका मुलाचा समावेश आहे, असे पीटीआयच्या वृत्तात म्हटले आहे.

  पोलिस अधिकाऱ्यामनी दिलेल्या माहितीनुसार, 20 हून अधिक प्रवाशांना उपचारासाठी सरकारी रुग्णालयात दाखल करण्यात आले आहे. या दोन बसची समोरासमोर धडक झाल्यामुळे हा अपघात घडला असून, धडकेमागचे नेमके कारण अद्याप स्पष्ट झाले नाही आहे.

पीटीआयने दिलेल्या माहितीनुसार, 20 हून अधिक प्रवाशांना सरकारी रुग्णालयांत दाखल करण्यात आले असून, पोलिस आणि पथकांनी घटनास्थळी बचावकार्य आणि प्राथमिक उपचारांची व्यवस्था केली. या धडकेनंतर राज्यातील रस्ते सुरक्षा, चालकांचा थकवा आणि आंतरनगर मार्गांवरील वाहनांच्या देखभालीवर पुन्हा चर्चा सुरू झाली आहे.