सावदा पालिका-राष्ट्रवादी काँग्रेस पक्षाच्या नगराध्यक्ष पदाच्या अधिकृत उमेदवार -बडगे सुभद्राबाई सिद्धार्थ (अनुक्रमांक ४, निशाणी घड्याळ)

लेवाजगत न्यूज सावदा (प्रतिनिधी) :सावदा नगरपालिका निवडणुकीत राष्ट्रवादी काँग्रेस पक्षाच्या नगराध्यक्ष पदाच्या अधिकृत उमेदवार म्हणून बडगे सुभद्राबाई सिद्धार्थ (अनुक्रमांक ४, निशाणी – घड्याळ) या जोरदार स्पर्धेत असून, सावदा शहरातील परिवर्तन व विकासाचे स्वप्न साकार करण्यासाठी मतदारांकडून त्यांना उत्स्फूर्त पाठिंबा मिळत आहे.

शहरातील सर्वच प्रभागांमध्ये घराघरांत जाऊन मतदारांच्या गाठीभेटी घेण्यात त्या व्यस्त असून प्रचार अंतिम टप्प्यात अत्यंत जोमात सुरू आहे. माजी नगरसेवक म्हणून मिळालेला अनुभव आणि लोकसेवेतील सातत्यामुळे त्यांना निवडणूक जिंकवून देण्याचा मतदारांनी निश्चय व्यक्त केला आहे.

प्रचारादरम्यान सुभद्राबाई म्हणाल्या —

 “आपला प्रत्येक मतदार हा विकासाचा पाया आहे. मला भव्य-दिव्य व बहूमूल्य मतांनी विजयी करा. सावदा शहराच्या सर्वांगीण विकासासाठी मी कटिबद्ध आहे.”

या निवडणुकीत त्या माजी नगराध्यक्ष राजेश वानखेडे यांच्या मार्गदर्शनाखाली आणि उपमुख्यमंत्री अजितदादा पवार यांच्या नेतृत्वाखाली निवडणूक रिंगणात असून, त्यांच्या विजयासाठी कार्यकर्त्यांनी जोरदार मेहनत सुरू केली आहे.

सुभद्राबाई यांचे आश्वासन —

 “आमच्या सर्व उमेदवारांना विजयी करा. सावदा शहराच्या विकासासाठी उपमुख्यमंत्री अजितदादा पवार यांच्या माध्यमातून कोणताही निधी कमी पडू देणार नाही.”

शहरात सर्व स्तरातून मिळणाऱ्या पाठिंब्यामुळे त्यांचा विजय निश्चित असल्याचे राजकीय वर्तुळात मानले जात आहे.