सावदा नगरपरिषद निवडणूक-विक्रमी मतदान ६९.९९% ; प्रभाग ६ मध्ये सर्वाधिक ७९.१३% मतदान

सावदा नगरपरिषद निवडणूक-विक्रमी मतदान ६९.९९% ; प्रभाग ६ मध्ये सर्वाधिक ७९.१३% मतदान

लेवाजगत न्यूज सावदा (प्रतिनिधी) : सावदा नगरपरिषद निवडणूक २०२५ साठी झालेल्या मतदानात मतदारांनी उत्स्फूर्त प्रतिसाद दर्शविला असून एकूण ६९.९९ टक्के मतदान झाले आहे. पुरुष १०,३२७ पैकी ७४८९ व महिला १०,४२९ पैकी ७०४२  व २ इतर  मतदारांनी मतदानाचा हक्क बजावला. एकूण २०,७६३ मतदारांपैकी १४,५३३ मतदारांनी मतदान केले.

यामध्ये प्रभाग क्रमांक ६ मध्ये सर्वाधिक ७९.१३% मतदान नोंदवले गेले, तर प्रभाग क्रमांक ४/३ मध्ये सर्वात कमी ६०.२८% मतदान झाले.

मतदान प्रक्रिया व प्रशासनाची तयारी

सावदा पालिकेचे निवडणूक निर्णय अधिकारी बबनराव काकडे यांच्या मार्गदर्शनाखाली सहाय्यक निवडणूक निर्णय अधिकारी भूषण वर्मा तसेच कर्मचारी वर्गाने मतदान प्रक्रियेत समन्वय साधत संपूर्ण कामकाज सुरळीतरीत्या पार पाडले.
मतदान शांततेत पार पडण्यासाठी सावदा पोलीस ठाण्याचे सहाय्यक पोलीस निरीक्षक विशाल पाटील यांच्या मार्गदर्शनाखाली पोलीस दलाने संपूर्ण शहरात बंदोबस्त ठेवला.

शहरातील दोन प्रभागांतील मतदान केंद्रांवर रात्री नऊ वाजेपर्यंत मतदान सुरू होते, आणि या विस्तारित वेळेमुळे मतदारांनी मोठ्या प्रमाणावर सहभाग नोंदविला.

मतमोजणीची तयारी

पालिका निवडणुकीतील मतदान प्रक्रिया पार पडली असली तरी दिनांक २० रोजी प्रभाग क्रमांक ४ ‘ब’ चे मतदान होणार आहे. त्यानंतर दिनांक २१ रोजी ११ वाजता मतमोजणी होणार असून, त्याच दिवशी निकाल जाहीर करण्यात येणार आहे.
मतमोजणीचे काम पालिका कार्यालयाजवळील पूरक इमारतीमध्ये करण्यात येईल. यासाठी सुरक्षितता आणि व्यवस्थेची सर्व तयारी करण्यात आली आहे.

प्रभागनिहाय मतदान टक्केवारी

प्रभाग	मतदान झालेले एकूण	टक्केवारी
प्र.१	७०७	७६.२७%
प्र.१	६२७	६८.८३%
प्र.२	६९४	७२.२९%
प्र.२	६६८	६९.५८%
प्र.३	६५७	७५.५२%
प्र.३	६१२	६९.७८%
प्र.३	६०१	६७.९१%
प्र.४	४९१	६८.६७%
प्र.४	५१२	७१.२१%
प्र.४	४३१	६०.२८%
प्र.५	५५४	७१.३०%
प्र.५	५४५	७०.७८%
प्र.५	५३४	६७.०९%
प्र.६	८२३	७९.१३%
प्र.६	७५२	७३.०८%
प्र.७	५०१	६६.३६%
प्र.७	५०२	६६.१४%
प्र.७	५२४	७०.०५%
प्र.८	६४९	६६.३६%
प्र.८	७२३	७३.१८%
प्र.९	६५१	७३.३३%
प्र.९	५८०	६६.९७%
प्र.१०	५६८	६१.७४%
प्र.१०	६२७	६८.९०%

उमेदवारांकडून मतदारांना आभार

नगराध्यक्ष व नगरसेवक पदासाठी उभ्या असलेल्या सर्व उमेदवारांनी मतदारांचे मनःपूर्वक आभार मानले असून मतमोजणीनंतरच्या निकालाची उत्सुकता शिगेला पोहोचली आहे.