अलाइफ फिटनेस व्यायामशाळा व आरोग्य केंद्राच्या सदस्याचे पॉवरलिफ्टिंगमध्ये घवघवीत यश

 लेवाजगत न्यूज सावदा प्रतिनिधी-

अलाइफ फिटनेस व्यायामशाळा व आरोग्य केंद्र परिवारासाठी अभिमानाची बाब असून, व्यायामशाळेचे सदस्य संतोष विजय तायडे (रा. सावदा) यांनी राष्ट्रीय स्तरावरील पॉवरलिफ्टिंग (शक्तीउचल) स्पर्धेत उल्लेखनीय यश संपादन केले आहे.

८३ किलो वजन गट – मास्टर्स १ या प्रकारात संतोष तायडे यांनी तृतीय क्रमांक, तर

डेडलिफ्ट (जड वजन उचल) प्रकारात द्वितीय क्रमांक पटकावून आपली उत्कृष्ट कामगिरी सिद्ध केली.

ही स्पर्धा पॉवरलिफ्टिंग असोसिएशन यांच्या वतीने आयोजित करण्यात आली होती. सदर स्पर्धा अॅमॅच्युअर पॉवरलिफ्टिंग फेडरेशन ऑफ इंडिया यांच्याशी संलग्न असून,वर्ल्ड पॉवरलिफ्टिंग फेडरेशन, लंडन (युनायटेड किंगडम) यांच्याकडून मान्यताप्राप्त होती.

ही स्पर्धा दिनांक २८ ऑक्टोबर २०२५ रोजी कलवा, मुंबई येथे उत्साहात पार पडली.

संतोष तायडे यांना हे यश अर्जुन ठाकूर, प्रमाणित व्यायाम प्रशिक्षक व मालक – अलाइफ फिटनेस व्यायामशाळा व आरोग्य केंद्र, यांच्या तज्ज्ञ मार्गदर्शनाखाली मिळाले आहे.

विशेष म्हणजे या स्पर्धेत मनोज मोरे (मुंबई पोलीस कर्मचारी) यांच्यासोबत संतोष तायडे यांनी विजयी मंच (पोडियम) सामायिक केल्याने हा क्षण अधिक संस्मरणीय ठरला.

संतोष विजय तायडे यांच्या या यशाबद्दल सर्वत्र अभिनंदन होत असून,

अलाइफ फिटनेस व्यायामशाळा व आरोग्य केंद्रासाठी हा क्षण निश्चितच गौरवशाली आहे.

त्यांना पुढील स्पर्धांसाठी मनःपूर्वक शुभेच्छा व उज्ज्वल भविष्यासाठी हार्दिक सदिच्छा व्यक्त करण्यात येत आहेत.