Sharad Pawar: सर्वांत मोठी बातमी! दोन्ही राष्ट्रवादी एकत्र येण्याचा पक्का निर्णय; पार्थ पवार-शरद पवार भेटीने गेम पालटला!
Sharad Pawar: सर्वांत मोठी बातमी! दोन्ही राष्ट्रवादी एकत्र येण्याचा पक्का निर्णय; पार्थ पवार-शरद पवार भेटीने गेम पालटला!
लेवाजगत न्युज मुंबई:- एकीकडे सुनेत्रा पवार यांचा उपमुख्यमंत्रिपदाचा शपथविधी आज मुंबईत होत असतानाच दुसरीकडे आपल्याला याविषयी माहिती नाही किंवा विश्वासात घेतलेलं नाही, असं सांगून ज्येष्ठ नेते शरद पवार यांनी आज सकाळी राज्याच्या राजकारणात खळबळ उडून दिली होती. त्यानंतर विविध तर्क-वितर्क लढवले जात असताना पार्थ पवार हे शरद पवारांना भेटायला गेले. या दरम्यान झालेल्या बैठकीत काय तपशील होता, हे सुरुवातीला कळू शकले नाही. त्यानंतर पार्थ पवार हे काहीही न बोलता बैठकीतून निघून गेले.
काही वेळानंतर आमदार रोहित पवार आणि युगेंद्र पवार एकाच गाडीतून आले. मात्र तेदेखील काहीही न बोलता निघून गेले. परंतु त्यानंतर एक तासानंतर महत्त्वाची माहिती समोर आली असून पार्थ पवारांच्या भेटीने सर्व चित्र पालटलं असून पवार कुटुंबाने राजकीयदृष्ट्या एकत्र येण्याचा निर्णय घेतला आहे. याबाबतची माहिती विद्या प्रतिष्ठानचे विश्वस्त आणि दिवंगत अजित पवार यांचे अत्यंत विश्वासू अशी ओळख असलेल्या किरण गुजर यांनी दिली आहे.
किरण गुजर यांनी दिलेल्या माहितीनुसार, पार्थ पवार यांनी आज शरद पवार यांच्यासह पवार कुटुंबाच्या घेतलेल्या भेटीत त्यांना शपथविधी सोहळ्याचे निमंत्रण दिले. शपथविधी सोहळ्यावरून जे समज-गैरसमज झाले होते, ते दूर करण्यात आले आहेत आणि पवार कुटुंबाने राजकीदृष्ट्या एकत्र येण्याचा निर्णय घेतला आहे, असा दावा गुजर यांनी केला आहे.
"मी अजित पवार यांच्या सहयोग निवासस्थानी पार्थ पवार यांची भेट घेत तिथं त्यांच्याबरोबर चर्चा केली आणि त्यानंतर अजित पवार यांचे राष्ट्रवादीच्या विलीनीकरणाचे स्वप्न कोणत्याही परिस्थितीत साकार करायचं, असं आम्ही ठरवलं आहे. त्यामुळे दोन्ही राष्ट्रवादी एकत्र येणारच. या संदर्भात मी पार्थ यांच्याशी चर्चा केली आहे," अशी माहिती देखील किरण गुजर यांनी दिली आहे.
"मी सकाळी जेष्ठ नेते शरद पवार , खासदार सुप्रिया सुळे, आमदार रोहित पवार, पार्थ पवार, युगेंद्र पवार, राजेंद्र पवार, रणजीत पवार यांच्या बरोबरील चर्चेत सहभागी होतो. तेथे चर्चा झाल्यानंतर मी पुन्हा नव्याने स्वतंत्रपणे सहयोग निवासस्थानी पार्थ पवार यांच्याशी चर्चा केली आणि त्यांनी कोणत्याही परिस्थितीत दोन्ही राष्ट्रवादी एकत्र येणार असे सांगितल्यानंतर मी माझी भूमिका मांडत आहे," असं किरण गुजर म्हणाले.
कोणत्याही टिप्पण्या नाहीत