“जिथे कधी नक्सलवाद होता, तिथे आता खेळांची उभारणी – स्पोर्ट्स देत आहे नव्या आशा”-केंद्रीय राज्यमंत्री रक्षा खडसे
“जिथे कधी नक्सलवाद होता, तिथे आता खेळांची उभारणी – स्पोर्ट्स देत आहे नव्या आशा”-केंद्रीय राज्यमंत्री रक्षा खडसे
रायपूर, दि. १ एप्रिल २०२६ :
केंद्रीय युवा कार्यक्रम व क्रीडा राज्यमंत्री यांनी ‘’ (केआयटीजी 2026) अंतर्गत रायपूर येथे भेट देत या उपक्रमाचे कौतुक केले. त्यांनी कार्यक्रमातील ऊर्जा, आशा आणि सकारात्मक परिवर्तनाचा विशेष उल्लेख करत, भारतीय क्रीडा प्राधिकरणाच्या (SAI) टीमच्या कार्याचेही अभिनंदन केले.
देशभरातून आलेल्या 2,500 पेक्षा अधिक आदिवासी खेळाडूंनी विविध क्रीडा प्रकारांत सहभाग नोंदवला आहे. या पार्श्वभूमीवर राज्यमंत्री खडसे म्हणाल्या की, केआयटीजी 2026 हा आदिवासी युवकांना भविष्य घडवण्यासाठी केंद्र सरकारच्या वचनबद्धतेचा ठोस पुरावा आहे. या स्पर्धेमुळे खेळाडूंना स्वतःची क्षमता सिद्ध करण्याची संधी मिळत असून त्यांच्या प्रगतीसाठी नवीन दारे खुली होत आहेत.
पूर्वी नक्सलवादामुळे ओळखल्या जाणाऱ्या भागात आता क्रीडेमुळे सकारात्मक बदल घडत असल्याचे नमूद करत त्यांनी सांगितले की, या प्रदेशातील तरुण आज आपली ऊर्जा योग्य दिशेने वापरत देशासाठी खेळण्याच्या दिशेने वाटचाल करत आहेत.
राज्यमंत्री खडसे यांनी पंतप्रधान , गृहमंत्री आणि केंद्रीय मंत्री यांचे विशेष आभार मानत, या उपक्रमामुळे देशात क्रीडा संस्कृती अधिक बळकट होत असल्याचे सांगितले. त्यांनी विश्वास व्यक्त केला की, येथील अनेक खेळाडू भविष्यात ऑलिंपिक, आशियाई खेळ आणि कॉमनवेल्थ स्पर्धांमध्ये भारताचे प्रतिनिधित्व करतील.
यावेळी त्यांनी ‘अस्मिता लीग’चाही उल्लेख केला. 2021 मध्ये सुरू झालेल्या या उपक्रमामुळे ग्रामीण भागातील महिलांना क्रीडा क्षेत्रात मोठ्या प्रमाणात संधी मिळत असल्याचे त्यांनी सांगितले. केआयटीजी 2026 मध्ये हॉकी आणि फुटबॉलमधील सुमारे 60 ते 70 टक्के विजेते हे अस्मिता लीगमधील माजी खेळाडू असल्याचे त्यांनी नमूद केले. विशेषतः अंजली मुंडा सारख्या खेळाडूंनी उत्कृष्ट कामगिरी करत लक्ष वेधले आहे. तसेच पोहण्यात मिळालेली पाच सुवर्णपदकेही अस्मिता लीगच्या खेळाडूंनी पटकावली आहेत.
महिलांचा क्रीडा क्षेत्रातील सहभाग वाढवण्यासाठी अस्मिता लीग गावागावात पोहोचवण्याचा सरकारचा प्रयत्न असल्याचेही त्यांनी स्पष्ट केले.
केआयटीजी बद्दल
‘’ हा भारत सरकारच्या ‘खेलो इंडिया’ उपक्रमांतर्गत राबविण्यात येणारा राष्ट्रीय स्तरावरील महत्त्वाचा कार्यक्रम आहे. आदिवासी भागातील क्रीडा प्रतिभेला वाव देणे, त्यांचे कौशल्य विकसित करणे आणि पारंपरिक क्रीडा संस्कृतीचा गौरव करणे हे या उपक्रमाचे प्रमुख उद्दिष्ट आहे.
25 मार्च ते 3 एप्रिल 2026 दरम्यान रायपूर, जजलगडपूर आणि अंबिकापुर येथे या स्पर्धा होत असून एकूण 9 क्रीडा प्रकारांचा समावेश आहे —
7 स्पर्धात्मक क्रीडा: तिरंदाजी, अॅथलेटिक्स, फुटबॉल, हॉकी, पोहणे, वजनउचल आणि कुस्ती
2 प्रदर्शन क्रीडा: मल्लखांब आणि कबड्डी
(ही बातमी वृत्तपत्रासाठी संपादित स्वरूपात तयार करण्यात आली आहे.)
कोणत्याही टिप्पण्या नाहीत