जळगाव विधान परिषद निवडणुकीत नंदकिशोर महाजन यांचा एकतर्फी विजय; 611 पैकी 582 मते मिळवत बाजी

 

जळगाव स्थानिक प्राधिकारी मतदारसंघात नंदकिशोर महाजन यांचा दणदणीत विजय

जळगाव, प्रतिनिधी : महाराष्ट्र विधान परिषद 2026 च्या जळगाव स्थानिक प्राधिकारी मतदारसंघाच्या निवडणुकीत भाजपचे उमेदवार नंदकिशोर भगवान महाजन यांनी एकतर्फी विजय मिळवत विरोधकांवर मोठी आघाडी घेतली. सोमवारी झालेल्या मतमोजणीत पहिल्या पसंतीच्या मतांमध्येच महाजन यांना सर्वाधिक मते मिळाल्याने त्यांचा विजय निश्चित झाला.

अधिकृत निकालानुसार, एकूण 611 वैध मतांपैकी नंदकिशोर महाजन यांना तब्बल 582 मते मिळाली. त्यांच्या तुलनेत शरद शामराव तायडे यांना 17 मते, अनिल छबिलदास चौधरी यांना 11 मते, तर रेश्मा कुंदन काळे यांना 1 मत मिळाले.

उमेदवारनिहाय मिळालेली मते

उमेदवार	मिळालेली मते
नंदकिशोर भगवान महाजन	582
शरद शामराव तायडे	17
अनिल छबिलदास चौधरी	11
रेश्मा कुंदन काळे	1

मतमोजणीसाठी तीन टेबलांवर मते मोजण्यात आली. एकूण 611 वैध मते तर 5 अवैध मते आढळून आली. पहिल्या पसंतीच्या मतांमध्येच विजयासाठी आवश्यक संख्या मिळाल्याने नंदकिशोर महाजन यांनी सहज विजय संपादन केला.

या निकालामुळे जळगाव जिल्ह्यात भाजपचे वर्चस्व पुन्हा अधोरेखित झाले असून महायुतीच्या कार्यकर्त्यांमध्ये उत्साहाचे वातावरण निर्माण झाले आहे.