संज्योत हॉस्पिटलचे नवीन वास्तूत स्थलांतर; ७ व्या वर्धापनदिनानिमित्त २३ जून रोजी विशेष कार्यक्रम

 

संज्योत हॉस्पिटल, सावदा येथे नवीन वास्तूत स्थलांतर; ७ व्या वर्धापनदिनानिमित्त विशेष कार्यक्रम

सावदा (ता. रावेर) : आरोग्यसेवेतील विश्वास, गुणवत्ता आणि समर्पणाची परंपरा जपत कार्यरत असलेल्या संज्योत हॉस्पिटल आणि प्रसूतिगृह, सावदा यांनी आपल्या ७ व्या वर्धापनदिनानिमित्त मेडिसिन विभागासह स्त्रीरोग व प्रसूती विभागाचे नवीन व प्रशस्त वास्तूमध्ये स्थलांतर केले असून, आधुनिक सुविधांसह रुग्णसेवा सुरू करण्यात आली आहे.

या निमित्ताने मंगळवार, दि. २३ जून २०२६ रोजी सकाळी ११ ते सायंकाळी ५ वाजेदरम्यान नवीन वास्तूच्या उद्घाटनाचा व वर्धापनदिनाचा विशेष कार्यक्रम आयोजित करण्यात आला आहे. या कार्यक्रमास परिसरातील नागरिकांनी व हितचिंतकांनी सहकुटुंब उपस्थित राहावे, असे आवाहन करण्यात आले आहे.

नवीन वास्तूमध्ये सुरक्षित व सुसज्ज प्रसूती कक्ष, सर्व प्रकारच्या स्त्रीरोगांचे निदान व उपचार, गर्भधारणेदरम्यान संपूर्ण काळजी व मार्गदर्शन, अत्याधुनिक प्रयोगशाळा व वैद्यकीय सुविधा तसेच प्रशस्त व आधुनिक OPD आणि IPD विभाग उपलब्ध करण्यात आले आहेत.

या हॉस्पिटलमध्ये डॉ. आशिष संजय सरोदे (एमबीबीएस, एमडी - मेडिसिन) हे मधुमेह, रक्तदाब व हृदयविकार तज्ज्ञ म्हणून सेवा देत असून, डॉ. मोहिनी आशिष सरोदे (एमबीबीएस, एमएस - स्त्रीरोग व प्रसूतीतज्ज्ञ) या स्त्रीरोग व प्रसूती विभागाची जबाबदारी सांभाळत आहेत.

संज्योत हॉस्पिटल हे बसस्थानकाच्या मागे, सावदा (ता. रावेर, जि. जळगाव) येथे असून, नव्या अत्याधुनिक सुविधांसह रुग्णसेवा अधिक प्रभावीपणे देण्याचा संकल्प  व्यक्त केला आहे.