जळगाव शहरातून जाणाऱ्या राष्ट्रीय महामार्गावर भरधाव इनोव्हा उलटली; दुचाकीस्वाराचा मृत्यू, ४ जण गंभीर जखमी
जळगाव शहरातून जाणाऱ्या राष्ट्रीय महामार्गावर भरधाव इनोव्हा उलटली; दुचाकीस्वाराचा मृत्यू, ४ जण गंभीर जखमी
जळगाव प्रतिनिधी : जळगाव शहरातून जाणाऱ्या राष्ट्रीय महामार्गावर आज (बुधवार) सकाळी एक भीषण अपघात घडला. भरधाव वेगाने धावणाऱ्या इनोव्हा कारचा चालकावरील ताबा सुटल्याने कार रस्त्यावर उलटली. या भीषण अपघातात एका दुचाकीस्वाराचा जागीच मृत्यू झाला, तर अन्य चार जण गंभीर जखमी झाले आहेत.
मिळालेल्या प्राथमिक माहितीनुसार, भरधाव इनोव्हा अचानक नियंत्रणाबाहेर गेली आणि रस्त्यावर पलटी झाली. त्याचवेळी तेथून जात असलेल्या दुचाकीस्वाराला कारची जोरदार धडक बसल्याने त्याचा घटनास्थळीच मृत्यू झाला. अपघातानंतर परिसरात मोठी गर्दी झाली असून नागरिकांनी तातडीने जखमींना रुग्णालयात दाखल केले.
घटनेची माहिती मिळताच पोलीस आणि आपत्कालीन पथक घटनास्थळी दाखल झाले. जखमींवर उपचार सुरू असून त्यांची प्रकृती गंभीर असल्याचे सांगितले जात आहे. अपघाताचे नेमके कारण अद्याप स्पष्ट झाले नसून पोलीस अधिक तपास करत आहेत.
कोणत्याही टिप्पण्या नाहीत