कर्तव्यदक्ष पोलीस निरीक्षक मुरलीधर कासार यांची नाशिकला बदली; जामनेरकरांकडून कार्यकाळाचे कौतुक

“असा अधिकारी पुन्हा मिळणे कठीण”; शिस्तप्रिय, कर्तव्यनिष्ठ आणि धडाडीच्या कार्यशैलीने निर्माण केली वेगळी ओळख

लेवाजगत न्युज जामनेर – नितीन इंगळे

जामनेर पोलीस ठाण्याचे कर्तव्यदक्ष पोलीस निरीक्षक मुरलीधर कासार यांची नुकतीच नाशिक येथे बदली झाली आहे. त्यांच्या बदलीची माहिती समोर आल्यानंतर जामनेर शहर व परिसरातील नागरिकांमध्ये नाराजीची भावना व्यक्त होत असून, त्यांच्या कार्यकाळातील कामगिरीचे नागरिकांकडून कौतुक केले जात आहे.

पोलीस निरीक्षक मुरलीधर कासार यांनी जामनेरमध्ये कार्यरत असताना कायदा व सुव्यवस्था, शिस्त आणि कर्तव्यनिष्ठेला विशेष प्राधान्य दिले. कायदा-सुव्यवस्था अबाधित ठेवण्यासाठी त्यांनी घेतलेली भूमिका आणि केलेले प्रयत्न यामुळे त्यांच्या कार्यशैलीची नागरिकांमध्ये वेगळी ओळख निर्माण झाली.

शिस्तप्रिय, धडाडीचे आणि कर्तव्याला सर्वोच्च महत्त्व देणारे अधिकारी म्हणून मुरलीधर कासार यांनी जामनेरमध्ये आपली छाप पाडली. पोलिसिंगमध्ये शिस्तीला महत्त्व देतानाच सामान्य नागरिकांमध्ये पोलिसांविषयी विश्वास निर्माण करण्यासाठीही त्यांनी प्रयत्न केले.

त्यांच्या बदलीनंतर अनेक नागरिकांकडून, “मुरलीधर कासार यांच्यासारखा अधिकारी जामनेरला पुन्हा मिळणे सोपे नाही,” अशा भावना व्यक्त होत आहेत. त्यांच्या कार्यकाळातील शिस्तबद्ध कारभार आणि कर्तव्यनिष्ठा जामनेरकरांच्या स्मरणात कायम राहणार असल्याचे नागरिकांचे म्हणणे आहे.

नवीन पोलीस निरीक्षक कोण? जामनेरकरांची उत्सुकता कायम

दरम्यान, जामनेर पोलीस ठाण्याची धुरा आता कोणत्या नवीन पोलीस निरीक्षकांकडे सोपविण्यात येणार, याबाबत अद्याप अधिकृत माहिती समोर आलेली नाही. नवीन अधिकारी कोण असतील, याकडे जामनेरकरांचे लक्ष लागले असून, अधिकृत आदेशानंतरच याबाबत स्पष्टता होणार आहे.

मुरलीधर कासार यांनी जामनेरमध्ये निर्माण केलेली शिस्त आणि कार्यपद्धती पाहता, नवीन पोलीस निरीक्षकांसमोरही कायदा-सुव्यवस्था आणि नागरिकांचा पोलिसांवरील विश्वास कायम ठेवण्याचे आव्हान असणार आहे.

मुरलीधर कासार यांच्या नाशिक येथील नवीन जबाबदारीसाठी नागरिकांकडून शुभेच्छा व्यक्त करण्यात येत असून, त्यांच्या पुढील सेवाकाळातही उल्लेखनीय कामगिरी सुरू राहावी, अशी अपेक्षा व्यक्त केली जात आहे.