गोदावरी अभियांत्रिकी महाविद्यालयाच्या यंत्र अभियांत्रिकी विद्यार्थ्यांना औद्योगिक अनुभव

 

गोदावरी अभियांत्रिकी महाविद्यालयाच्या यंत्र अभियांत्रिकी विद्यार्थ्यांना औद्योगिक अनुभव

 लेवा जगात न्यूज वेबसाईटवर जाहिरात द्यायची संपर्क साधा- -8983689844

लेवाजगत न्यूज जळगाव : गोदावरी कॉलेज ऑफ इंजिनिअरिंग, जळगाव येथील मेकॅनिकल इंजिनिअरिंग विभागाच्या वतीने द्वितीय वर्ष यंत्र अभियांत्रिकीच्या विद्यार्थ्यांसाठी २४ सप्टेंबर २०२६ रोजी औद्योगिक भेटीचे आयोजन करण्यात आले. अभ्यासक्रमाचा भाग म्हणून आयोजित या भेटीत विद्यार्थ्यांना प्रत्यक्ष औद्योगिक प्रक्रिया, उत्पादन तंत्रज्ञान, यंत्रसामग्री, गुणवत्ता नियंत्रण आणि औद्योगिक कार्यपद्धतींचा अनुभव घेता आला.

विद्यार्थ्यांनी किरण मशीन टूल्स, जळगाव येथे भेट देऊन स्प्रिंग निर्मितीच्या विविध प्रक्रिया व उत्पादन तंत्रज्ञानाची माहिती घेतली. उत्पादन अभियांत्रिकी, मटेरियल प्रोसेसिंग आणि मशीन टूल्स विषयातील संकल्पनांचा प्रत्यक्ष औद्योगिक प्रक्रियांशी संबंध समजून घेण्यास या भेटीचा उपयोग झाला.

त्यानंतर हिमालय कोल्ड स्टोरेज, जळगाव येथे विद्यार्थ्यांनी कोल्ड स्टोरेजची कार्यपद्धती, रेफ्रिजरेशन प्रणाली, तापमान नियंत्रित साठवणूक तसेच औद्योगिक मटेरियल हँडलिंग याबाबत माहिती घेतली. कृषी व अन्नपदार्थांच्या सुरक्षित साठवणुकीमध्ये थर्मल इंजिनिअरिंग आणि रेफ्रिजरेशन तंत्रज्ञानाचे महत्त्व विद्यार्थ्यांना प्रत्यक्ष समजले.

यानंतर आर.जे. फूड्स, जळगाव येथे विद्यार्थ्यांनी Parle-G बिस्किट निर्मिती प्रक्रियेचे निरीक्षण केले. उत्पादन प्रक्रिया, गुणवत्ता नियंत्रण, पॅकेजिंग आणि मटेरियल हाताळणीच्या विविध टप्प्यांची माहिती विद्यार्थ्यांनी घेतली. मोठ्या प्रमाणावर होणाऱ्या अन्नप्रक्रिया उद्योगात अभियांत्रिकी तत्त्वे व आधुनिक तंत्रज्ञानाचा वापर कशाप्रकारे केला जातो, याची विद्यार्थ्यांना प्रत्यक्ष जाणीव झाली.

या भेटीदरम्यान विद्यार्थ्यांनी उद्योगातील तज्ज्ञांशी संवाद साधून सुरक्षितता, उत्पादकता, गुणवत्ता नियंत्रण, प्रक्रिया नियोजन, देखभाल आणि संसाधनांचा कार्यक्षम वापर यांचे महत्त्व जाणून घेतले.

या औद्योगिक भेटीसाठी डॉ. के. एम. महाजन (समन्वयक) आणि डॉ. पंकज बोंडे यांनी विद्यार्थ्यांसोबत उपस्थित राहून मार्गदर्शन केले.

या उपक्रमामुळे विद्यार्थ्यांना सैद्धांतिक ज्ञान आणि प्रत्यक्ष औद्योगिक उपयोग यांच्यातील दुवा समजण्यास मदत झाली. प्रत्यक्ष उद्योगविश्वाचा अनुभव मिळाल्याने विद्यार्थ्यांच्या तांत्रिक ज्ञानात भर पडली असून भविष्यातील व्यावसायिक क्षेत्राविषयी त्यांची समज अधिक व्यापक झाली.

या उपक्रमाच्या आयोजनाबद्दल गोदावरी फाउंडेशनचे अध्यक्ष डॉ. उल्हास पाटील, सचिव डॉ. वर्षा पाटील, सदस्य डॉ. केतकी पाटील, डीएम कार्डिओलॉजिस्ट डॉ. वैभव पाटील व डॉ. अनिकेत पाटील यांनी कौतुक केले.